ଆଦିବାସୀଙ୍କ ବଜ୍ର ଶପଥ, ଜାନ ଯାଉ ଜୀବନ ଯାଉ ନିୟମଗିରି ବଞ୍ଚିଥାଉ

କଳାହାଣ୍ଡି,(ଚିତ୍ତରଞ୍ଜନ ବିଷି): ଲାଞ୍ଜିଗଡ ସ୍ଥିତ ନିୟମଗିରି ଶିର୍ଷ ଧଙ୍ଗଡ଼ା ଭଟା ଠାରେ ନିୟମ ଗିରି ସୁରକ୍ଷା ସମିତି ପକ୍ଷରୁ ନିୟମ ରଜାର ବାର୍ଷିକ ପର୍ବ ଉଦଯାପିତ ହୋଇଯାଇଛି । ଏଥିରେ ଜିଲ୍ଲା ଏବଂ ରାଜ୍ୟ ବାହାରୁ ହଜାର ହଜାର ମହିଳା ଓ ପୁରୁଷଙ୍କ ସମାଗମ ଦେଖିବାକୁ ମିଳିଥିଲା l ଏହି ପରିପ୍ରେକ୍ଷୀରେ ନିୟମଗିରି ସ୍ଥିତ ୧୧୨ରୁ ଉର୍ଦ୍ଧ ଗ୍ରାମର ଝରଣିଆ ଓ ଡ଼ଙ୍ଗରିଆ ଆଦିବାସୀ ସମେତ ବିଭିନ୍ନ ସଂଠନ ଏହି ପର୍ବରେ ସମବେଶ ହୋଇ ରକ୍ତ ଚାଉଳ ଧରି ମରିବୁ ପଛେ ଛାଡ଼ିବୁ ନାହିଁ ନିୟମଗିରି ପାହାଡକୁ ସୁରକ୍ଷା ଦେବା ଆମ ଦାୟିତ୍ୱ କୌଣସି ପ୍ରକାରେ ଧ୍ୱଂସ ହେବାକୁ ଦିଆଯିବ ନାହିଁ ବୋଲି ବଜ୍ରଶପଥ ନେଇଥିଲେ l ଆଦିବାସୀ ମାନେ l ପରମ୍ପରା କ୍ରମେ ଏହି ପର୍ବକୁ ପ୍ରତି ବର୍ଷ ଫେବୃୟାରୀ ୨୧ ତାରିଖରୁ ୨୩ ତାରିଖ ପର୍ଯ୍ୟନ୍ତ ପାଳନ କରାଯାଇଥାଏ । ଉକ୍ତ ପର୍ବରେ ପାରମ୍ପରିକ ଅସ୍ତ୍ରଶସ୍ତ୍ର ଓ ବେଶବୁସାରେ ସଜିତ ହୋଇ ସେମାନେ ସକାଲୁ ପୋଡ଼ବଳି ସମେତ ବୋଦା,ପାରା,କୁକୁଡ଼ା ବଳି ଦେଇ ଦେବତାଙ୍କୁ ଆବାହନ କରିଥିଲେ ଓ ଏଥି ପୂର୍ବରୁ ଶୁଭଖମ୍ବ ପାଖରେ ବାଉଁଶ ପାତିଆ କୂଲାରେ ମନ୍ତୁରା ଚାଉଳରେ ବନ୍ଦାପନା କରିବାପରେ ଆଦିବାସୀ ତଥା ଡ଼ଙ୍ଗରିଆ ଓ ଝରଣିଆ କନ୍ଦ ଯୁବକମାନେ ଟାଙ୍ଗୀ ଟାଙ୍ଗିଆ ଧରି ନୃତ୍ୟ କରିଥିଲେ ।ସ୍ଥାନୀୟ ଆଦିବାସୀଙ୍କ ମତାମତକୁ ଉପେକ୍ଷା କରି ପରିବେଶକୁ ବିପର୍ଯ୍ୟସ୍ତ ମୁହଁକୁ ଠେଲି ଦେଇ ସରକାର ଏହାକୁ ବହୁ ରାଷ୍ଟ୍ରୀୟ କମ୍ପାନୀ ହାତକୁ ଟେକି ଦେଇଛନ୍ତି ତେବେ ଏଠାରେ ଖଣି ଖୋଲା ଗଲେ ଶହଶହ ଆଦିବାସୀ ଡ଼ଙ୍ଗରିଆଙ୍କ ଜୀବନ ଜୀବିକା ବିପନ୍ନ ହୋଇ ପଡିବ ତେଣୁ ସମସ୍ତେ ଏକଜୁଟ ହୋଇ ଆନ୍ଦୋଳନକୁ ଓଲ୍ଲାଇବାକୁ ପଡିବ ନଚେତ ଆମ ଜଳ,ଜମି,ଜଙ୍ଗଲକୁ ସରକାର ବହୁ ରାଷ୍ଟୀୟ କମ୍ପାନୀ ହାତରେ ଟେକି ଦେବ ବୋଲି ଉପସ୍ଥିତ ଆନ୍ଦୋଳନ କାରି ମାନେ ଏହି ପର୍ବ ଅବସରରେ ଆହ୍ବାନ ଦେଇ ଯେ କୌଣସି ମୂଲ୍ୟ ନିୟମ ଗିରୀକୁ ସୁରକ୍ଷା ଦେବା ଆମର କର୍ତଵ୍ୟ ବୋଲି ମତ ପ୍ରକାଶ ପାଇଛି l ନିୟମ ଗିରି ସୁରକ୍ଷା ସମିତିର ସଭାପତି ଲଦ ସିକକା ଦଧି ପୁଷିକା, ଭୂବନେଶ୍ବର ମିଥ୍ୟା ମକଦ୍ଦମା ବିରୋଧି ଅଭିଯାନ ରୁ ନରେନ୍ଦ୍ର ମହାନ୍ତି, ସିପିଆଇ ସଂଜୟ ସୁନାମୀ, ଜିଲ୍ଲା ଆଦିବାସୀ କଲ୍ୟାଣ ସଂଘର ଟଙ୍କଧର ଧାରୁଆ,ଖଣ୍ଡୁଆଲ ମାଳି ସୁରକ୍ଷା ସମିତି ସଭାପତି ବ୍ରିଟିଶ କୁମାର,ଦାସରୁ କାଡ୍ରାକା,ଲେଲିନ କୂମାର ଥୁଆମୂଳ ରାମପୁର ରୁ ବିରବଜରଙ୍ଗ ଚାରୁ ମୁଜୁମଦାର ନାଏକ ପ୍ରମୁଖ ନେତୃତ୍ୱ ନେଇଁ ଥିବା ବେଳେ ସଂଗ୍ରାମୀ ନେତା ସମସ୍ତ କର୍ମକର୍ତ୍ତା ଉତ୍ସବରେ ଯୋଗ ଦେଇ ଥିଲେ।