ଆୟୁଷ୍ମାନ ଭାରତ ଶିକ୍ଷକ ପ୍ରଶିକ୍ଷଣ କର୍ମଶାଳା ଅନୁଷ୍ଠିତ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଶାଳନିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ତରଫରୁ ଆୟୁଷ୍ମାନ ଭାରତ ଶିକ୍ଷକ ପ୍ରଶିକ୍ଷଣ ଶିବିର ଶାସଙ୍ଗ ପଞ୍ଚାୟତ ଉଚ୍ଚବିଦ୍ୟାଳୟରେ ଅନୁଷ୍ଠିତ ହୋଇଯାଇଛି l ଏଥିରେ ପ୍ରଶିକ୍ଷକ ଭାବେ ଡାକ୍ତର ସଂଗ୍ରାମ ବ୍ରହ୍ମ, ବି.ପି.ଏମ ଚନ୍ଦନ କୁମାର ସାହୁ, ଡି.ଏ.ଓ ଦେବସ୍ମିତା ରାଉତ, ଏନଟୋମୋଲୋଜିଷ୍ଟ ସ୍ମୃତି ସ୍ୱରୂପ ପୁହାଣ ପ୍ରମୁଖ ଯୋଗ ଦେଇ ବିଦ୍ୟାଳୟ ସ୍ୱାସ୍ଥ୍ୟ କାର୍ଯ୍ୟକ୍ରମ ଉପରେ ପ୍ରଶିକ୍ଷଣ ଦେଇଥିଲେ l ଏଥିରେ ହାଟଡିହି, ମରେଇଗାଁ, ରମ୍ପାସ ଆଦି କ୍ଲଷ୍ଟରରୁ ୮୦ରୁ ଉର୍ଦ୍ଧ୍ବ ଶିକ୍ଷକ, ଶିକ୍ଷୟତ୍ରୀ ଯୋଗ ଦେଇଥିଲେ l ଏହି ଶିବିରକୁ ଶାସଙ୍ଗ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ନବ କିଶୋର ବିଶ୍ଵାଳ ଉଦ୍ଘାଟନ କରିଥିବା ବେଳେ ବାଂଶପାଳ ବି.ଇ.ଓ ତୃପ୍ତିମୟୀ ପାତ୍ର ଅତିଥି ଭାବେ ଯୋଗ ଦେଇଥିଲେ । ଶାସଙ୍ଗ ହାଇସ୍କୁଲ ର ଶିକ୍ଷକ ଓ କର୍ମଚାରୀ ମାନେ କାର୍ଯକ୍ରମ ପରିଚାଳନାରେ ସହଯୋଗ କରିଥିଲେ।