ଉତ୍ସବ ପାଇଁ କୋଣାର୍କ ନବବଧୂ ବେଶରେ ସଜେଇ ହୋଇଛି

ନିମାପଡ଼ା,(ସନ୍ତୋଷ ଦାଶ): ଡ଼ିସେମ୍ବର ୧ ତାରିଖ ଠାରୁ ୫ ତାରିଖ ପର୍ଯ୍ୟନ୍ତ ପୁରୀ ଜିଲ୍ଲା ର ପ୍ରସିଦ୍ଧ ପର୍ଯ୍ୟଟନସ୍ଥଳୀ କୋଣାର୍କ ର ମୁକ୍ତାକାଶ ରଙ୍ଗମଞ୍ଚ ଠାରେ ପର୍ଯ୍ୟଟନ ବିଭାଗ ପକ୍ଷରୁ କୋଣାର୍କ ଉତ୍ସବ ଅନୁଷ୍ଠିତ ହେବ। ମୁଖ୍ୟମନ୍ତ୍ରୀ ମୋହନ ଚରଣ ମାଝି ଉକ୍ତ କାର୍ଯ୍ୟକ୍ରମ କୁ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି। ଉକ୍ତ ୩୫ ତମ କୋଣାର୍କ ଉତ୍ସବ ରେ ଓଡ଼ିଶୀ ନୃତ୍ୟ, କଥକ ନୃତ୍ୟ, ମଣିପୁରୀ ନୃତ୍ୟ, ମୋହିନୀ ନାଟ୍ୟମ ନୃତ୍ୟ ,କୁଚୁପୁଡ଼ି ନୃତ୍ୟ ଓ ଭାରତ ନାଟ୍ୟମ ନୃତ୍ୟ ପରିବେଷଣ କରାଯିବ ବୋଲି ପର୍ଯ୍ୟଟନ ବିଭାଗ ପକ୍ଷରୁ ସୁଚନା ମିଳିଛି।ସମଗ୍ର କୋଣାର୍କ ଅଞ୍ଚଳ ଏବେ ନବ ବଧୁ ପରି ସଜେଇ ହୋଇ ପଡ଼ିଥିବା ବେଳେ ମୁକ୍ତାକାଶ ରଙ୍ଗମଞ୍ଚ ନୃତ୍ୟ ଶିଳ୍ପୀ ଙ୍କ ଘୁଙ୍ଗୁର ଶବ୍ଦ କୁ ଅପେକ୍ଷା କରି ରହିଛି। କୋଣାର୍କ ର ମୁକ୍ତାକାଶ ରଙ୍ଗମଞ୍ଚ,
ଯାତ୍ରୀ ନିବାସ, ହେଲି ପ୍ୟାଡ ସବୁଆଡେ ରଙ୍ଗୀନ ଆଲୋକ ମାଳା
ଆଖି ଝଲ୍ ସାଇ ଦେଉଥିବା ବେଳେ
ମୀନା ବଜାର, ଅପେରା ପାର୍ଟି ଏହି ଉତ୍ସବ କୁ ଅଧିକ ରଙ୍ଗୀନ କରିଦେଇଛି।