କବି ସମ୍ରାଟ ମିଡିଆ କ୍ଲବ ଭଞ୍ଜନଗର ଦ୍ୱାରା ଜାତୀୟ ପ୍ରେସ ଦିବସ ପାଳନ

ଭଞ୍ଜନଗର, (ସନ୍ତୋଷ କୁମାର ଜେନା):ସମାଜର ଜାଗ୍ରତ ପ୍ରହରୀ ଭାବେ କାର୍ଯ୍ୟ କରୁଥିବା ସମ୍ବାଦିକ ମାନଙ୍କ ପାଇଁ ଗୋଟିଏ ଦିନ ଜାତୀୟ ପ୍ରେସ ଦିବସ ଭାବେ ସମଗ୍ର ଭାରତ ବର୍ଷ ରେ ମହାସମାରୋହରେ ପାଳନ ହେଇଥିବା ବେଳେ ଭଞ୍ଜନଗର ର ଅଗ୍ରଣୀ ପଞ୍ଜିକୃତ ସମ୍ବାଦିକ ସଂଘ କବି ସମ୍ରାଟ ମିଡ଼ିଆ କ୍ଲବ ଦ୍ୱାରା ଜାତୀୟ ପ୍ରେସ ଦିବସ ଭଞ୍ଜନଗର ଜେଲ ପଡିଆ ଠାରେ ପାଳନ ହୋଇଯାଇଛି।ଦୁଇ ଦିନ ଧରି ଆୟୋଜିତ ହୋଇଥିବା ଏହି ଭବ୍ୟ କାର୍ଯ୍ୟକ୍ରମ ରେ ପ୍ରଥମ ଦିନରେ ଭଞ୍ଜନଗର ଉପଖଣ୍ଡ ର ବହୁ ପ୍ରଶାସନିକ ଅଧିକାରୀ ଯୋଗଦେଇଥିଲେ | ସମ୍ମାନୀତ ଅତିଥି ଭାବେ ଭଞ୍ଜନଗର ଉପଜିଲ୍ଲାପାଳ ଅନିଲ କୁମାର ସେଠୀ,ତହସିଲଦାର ଉମାଶଙ୍କର ବେହେରା,ଉପଖଣ୍ଡ ସୂଚନା ଲୋକ ସମ୍ପର୍କ ଅଧିକାରୀ ଗୌରୀ ଶଙ୍କର ଶତପଥି ଯୋଗଦେଇଥିଲେ।ଅନୁଷ୍ଠାନ ର ସଭାପତି ଙ୍କ ଦ୍ୱାରା ରଚିତ ନାଟକ “ସମ୍ପର୍କ “ର ପୁସ୍ତକ ଉନ୍ମୋଚିତ ହୋଇଥିଲା । ସମାଜରେ ବିଶେଷ ଅବଦାନ ପାଇଁ ଦୁଇଜଣ ଡାକ୍ତର ବିଜୟ କୁମାର ପଣ୍ଡା ଓ ଶ୍ରୀକାନ୍ତ ସାହୁଙ୍କୁ ଦେବର୍ସି ସମ୍ମାନରେ ସମ୍ମାନୀତ କରାଯାଇଥିଲା।ଏହାସହ ପ୍ରବନ୍ଧ, ବକୃତା ଓ ସଂଗୀତ ପ୍ରତିଯୋଗିତାରେ ଉତ୍ତୀର୍ଣ୍ଣ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା ।ବିଭିନ୍ନ ବିଦ୍ୟାଳୟ ରୁ ଆସିଥିବା ଛାତ୍ରଛାତ୍ରୀ ମାନଙ୍କ ଦ୍ୱାରା ଚିତା କର୍ଷକ ନୃତ୍ୟରେ ଦର୍ଶକ ଝୁମି ଥିଲେ।ସେହିପରି ଦ୍ଵିତୀୟ ସନ୍ଧ୍ୟାରେ ସମ୍ମାନିତ ଅତିଥି ଭାବେ ଭଞ୍ଜନଗର ବିଧାୟକ ପ୍ରଦ୍ୟୁମ୍ନ କୁମାର ନାୟକ, ଭଞ୍ଜନଗର ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷ ଗୋପବନ୍ଧୁ ମହାପାତ୍ର, ସାଂସଦ ପ୍ରତିନିଧି, ରବୀନ୍ଦ୍ର ଗୌଡ଼, ସନ୍ତୋଷ ତିଆଡି ଯୋଗଦେଇଥିଲେ।ବରିଷ୍ଠ ନିର୍ଦେଶକ ଅର୍ଗସ ଟିଭି ଜ୍ଞାନ ରଞ୍ଜନ ରଥ, ବରିଷ୍ଠ ଖବର ଉପସ୍ଥାପିକା ନିଳିମା ପ୍ରିୟ ଦର୍ଶନୀ ଙ୍କୁ ଦେବର୍ଷି ସମ୍ମାନରେ ସମ୍ମାନୀତ କରାଯାଇଥିଲା।କୁନି ନୃତ୍ୟ ଶିଳ୍ପୀ ପ୍ରତୀକ୍ଷା ମହାପାତ୍ର ଙ୍କ ଦ୍ୱାରା ନୃତ୍ୟ ମନମୁଗ୍ଧକର ଥିଲା।ଭଞ୍ଜନଗର କବି ସମ୍ରାଟ ମିଡ଼ିଆ କ୍ଲବ ର ସଭ୍ୟ ମାନଙ୍କ ଲିଖିତ ଦେବର୍ଷି ପୁସ୍ତକ ଉନ୍ମୋଚିତ ହୋଇଥିଲା |ପରିଶେଷ ରେ ଭଞ୍ଜନଗର କବି ସମ୍ରାଟ ମିଡ଼ିଆ କ୍ଲବ ର ସଭାପତି ଙ୍କ ଦ୍ଵାରା ରଚିତ ଓ ସମ୍ବାଦିକ ମାନଙ୍କ ଦ୍ୱାରା ଅଭିନୀତ ନାଟକ ସମ୍ପର୍କ ପରିବେଷଣ ହୋଇଥିଲା।ଅନୁଷ୍ଠାନ ର ସଭାପତି ପ୍ରଦୀପ କୁମାର ସ୍ୱାଇଁ, ସମ୍ପାଦକ ଚିନ୍ମୟ ବେବର୍ତା, ଉପଦେଷ୍ଟା ଦଣ୍ଡପାଣି ପ୍ରଧାନ, ଉପସଭାପତି ପୁରୁଷୋତ୍ତମ ମହାପାତ୍ର ଓ ସମୀର କୁମାର ମହାପାତ୍ର ମଞ୍ଚ ପରିଚାଳନା କରିଥିଲେ।