ଗୀତାଙ୍କୁ ମିଳିଲା ରାସନ ଚାଉଳ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଇଞ୍ଚୋଳ ପଞ୍ଚାୟତ ଗୀତା ରାଉତଙ୍କୁ ପଞ୍ଚାୟତ ପକ୍ଷରୁ ପି.ଡ଼ି.ଏସ ସାମଗ୍ରୀ ଯୋଗାଇ ଦିଆଯାଇଛି। ଗ୍ରାମର ମୀନତି ରାଉତଙ୍କ କାର୍ଡରେ ବୋହୁ ଗୀତାଙ୍କ ଚାଉଳ ଉଠୁଥିବା ବେଳେ ସେ ଘରୋଇ ବିବାଦରୁ ବାପଘରେ ରହୁଥିବାରୁ ତାଙ୍କ ଚାଉଳ ପାଇ ପାରୁନଥିଲେ। ଅନେକ ଅସୁବିଧାରେ କାଳାତିପାତ କରୁଥିବା ଗୀତା ରାଉତ ଏ ନେଇ ପଞ୍ଚାୟତରେ ଅଭିଯୋଗ କରିବା ସହିତ ତାଙ୍କ ରେସନ ଚାଉଳ ତାଙ୍କୁ ଦେବା ପାଇଁ ଆବେଦନ କରିଥିଲେ। ପଞ୍ଚାୟତ କର୍ତ୍ତୁପକ୍ଷ ଏଥିଲାଗି ମୀନତି ରାଉତଙ୍କ କାର୍ଡରୁ ୯କିଲୋ ଚାଉଳ କାଟିରଖି ବୋହୁ ଗୀତାଙ୍କୁ ପ୍ରଦାନ କରିଥିବା ଜଣାଯାଇଛି। ଏହାକୁ ନେଇ ଗୀତା ରାଉତ ପଞ୍ଚାୟତ କର୍ତ୍ତୁପକ୍ଷଙ୍କୁ କୃତଜ୍ଞତା ଜଣାଇଛନ୍ତି।