ଜଗଦ୍ଧାତ୍ରୀମେଳାରେ ରକ୍ତଦାନ ଶିବିର

ବାରିପଦା,(ମୁରାରୀ ମୋହନ ମହାପାତ୍ର): ଭଂଜପୁର ଜଗଦ୍ଧାତ୍ରୀ ମେଳା ପଡିଆରେ ଅନୁଷ୍ଠିତ ଜଗଦ୍ଧାତ୍ରୀ ମେଳାର ପଞ୍ଚମ ଦିନ ପୂର୍ବାହ୍ନରେ ମେଳା ପଡିଆରେ ପ୍ରତିବର୍ଷ ପରି କମିଟି ତରଫରୁ ଏକ ସ୍ଵେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା I ଏହି ଶିବିରରେ ୧୦ ଜଣ ମହିଳା ସମେତ ୫୩ ଜଣ ରକ୍ତଦାନ କରିଥିଲେ I ଏହି ଶିବିରକୁ ପୂର୍ବତନ ମନ୍ତ୍ରୀ ତଥା ପୂଜା କମିଟି ଅଧ୍ୟକ୍ଷ ସୁଦାମ ମାର୍ଣ୍ଡି ଉଦଘାଟନ କରିଥିଲେ I ଅନ୍ୟ ମାନଙ୍କ ମଧ୍ୟରେ ନଗରପାଳ କୃଷ୍ଣIନନ୍ଦ ମହାନ୍ତି, ବାରିପଦା ବ୍ଲକ ଅଧ୍ୟକ୍ଷ ସୁନ୍ଦର ମୋହନ ସିଂ, ମୁଖ୍ୟ ସାଧାରଣ ସମ୍ପାଦକ ଦର୍ପ ନାରାୟଣ ପାଲ, ସମାଜସେବୀ ଅରୁଣ ସରକାର, ପୂର୍ବତନ କାଉନସିଲର ପ୍ରଶାନ୍ତ ପଟ୍ଟନାୟକ ପ୍ରମୁଖ ଉପସ୍ଥିତ ରହି ରକ୍ତଦାତାଙ୍କୁ ଉତ୍ସାହିତ କରିଥିଲେ I ସମାଜସେବୀ ଅମର ସେଠୀ ତଥା କମିଟି ସଦସ୍ୟ ଧୀରେନ୍ଦ୍ର ନାୟକ, ସପନ ପଣ୍ଡା, ବେଣୁଧର ମହାନ୍ତ, ସମଦତ୍ତ ଦାସ, ଦେବଦତ୍ତ ଦାସ, ପ୍ରିତମ ପଣ୍ଡା ଓ ପ୍ରସନ୍ନଜିତ ମହାନ୍ତି ଶିବିର ପରିଚାଳନାରେ ସହାୟତା ପ୍ରଦାନ କରିଥିଲେ I ବାରିପଦା ରକ୍ତ ଭଣ୍ଡାର କେନ୍ଦ୍ରର ଡଃ ନୀଲେଶ ଦାସଙ୍କ ନେତୃତ୍ୱରେ ରୁଚିକା ଖୁରାନା, ଶକୁନ୍ତଳା ମହାନ୍ତ, ପାର୍ଥସାରଥୀ ମହାନ୍ତ ଓ ଛବିରାଣୀ ମହାନ୍ତ ରକ୍ତ ସଂଗ୍ରହ କରିଥିଲେ I