ଡିସେମ୍ବର ୨୫ ରୁ ରାଜ୍ୟସ୍ତରୀୟ ୩୫ ତମ ମଙ୍ଗଳା କପ କ୍ରିକେଟ

ନିମାପଡ଼ା,( ସନ୍ତୋଷ ଦାଶ):ପ୍ରତି ବର୍ଷ ଭଳି ଚଳିତ ବର୍ଷ ପୁରୀଜିଲ୍ଲା କାକଟପୁରର ମା ମଙ୍ଗଳା ମିନି ଷ୍ଟାଡିୟମ ଠାରେ ମଙ୍ଗଳା କ୍ରିକେଟ କ୍ଲବ ଆନୁକୂଲ୍ୟରେ ଆୟୋଜିତ ହେବାକୁ ଯାଉଛି ୩୫ ତମ ରାଜ୍ୟସ୍ତରୀୟ ମଙ୍ଗଳା କପ କ୍ରିକେଟ ଟୁର୍ଣ୍ଣାମେଣ୍ଟ ।ଆୟୋଜକ ମଙ୍ଗଳା କ୍ଲବ ପକ୍ଷରୁ ଏକ ପ୍ରେସମିଟ ସ୍ଥାନୀୟ ମିନି ଷ୍ଟାଡିୟମ ସଭା ଗୃହରେ ଅନୁଷ୍ଠିତ ହୋଇଥିଲା।ଆସନ୍ତା ଡିସେମ୍ବର ୨୫ ତାରିଖରେ ଏହି କ୍ରିକେଟ ପ୍ରତିଯୋଗିତା ଉଦଘାଟିତ ହେବ ବୋଲି କ୍ଲବର ସଭାପତି ପ୍ରଦୀପ୍ତ କୁମାର ଦୀକ୍ଷିତ ପ୍ରକାଶ କରିଛନ୍ତି । ଉକ୍ତ ଟୁର୍ଣ୍ଣାମେଣ୍ଟ ରେ ମୋଟ ୮ଟି ଦଳ ଭାଗ ନେବାକୁ ଥିବାବେଳେ ଚମ୍ପିୟାନ ଦଳ କୁ ୪୧ ହଜାର ୪୪୧ ଟଙ୍କା ଏବଂ ରନର୍ସ ଦଳକୁ ୨୧ ହଜାର ୨୨୧ ଟଙ୍କା ପୁରସ୍କାର ରାଶି ଦିଆଯିବା ସହିତ ୩୦ ଓଭର ବିଶିଷ୍ଟ ସମସ୍ତ ମ୍ୟାତରେ ଖେଳାଳି ମାନେ ଧଳା ଡ୍ରେସ ପରିଧାନ କରିବେ। ଦଳ ଗୁଡିକ ଏସଜି ଡ଼ିଉଜ ବଲ ରେ ଖେଳିବେ ବୋଲି ଆୟୋଜକ କ୍ଲବର ସମ୍ପାଦକ ଶୁଭ୍ରାଂଶୁ ଭୂଷଣ ଦୀକ୍ଷିତ ସୂଚନା ଦେଇଛନ୍ତି । ଏହି ପ୍ରେସମିଟ ରେ ଆୟୋଜକ କ୍ଲବ ର ସଭାପତି, ସମ୍ପାଦକ ଙ୍କ ସହିତ କ୍ଲବର ମ୍ୟାନେଜର ଭାଗବତ ସ୍ଵାଇଁ, କୋଷାଧକ୍ଷ ଇଂ.ସୂର୍ଯ୍ୟକାନ୍ତ ଦୀକ୍ଷିତ, ସହସମ୍ପାଦକ ସଞ୍ଜୟ ସାମଲ ପ୍ରମୁଖ ଯୋଗଦେଇଥିଲେ l ପୂର୍ବ ବର୍ଷ ଅପେକ୍ଷା ଚଳିତ ବର୍ଷର ମ୍ୟାତକୁ ଅଧିକ ଉଚ୍ଚ କୋଟିର କରାଯିବାକୁ ଯୋଜନା ରହିଥିବା ସୂଚନା ଦିଆଯାଇଛି।