ନଳକୂପରୁ ବାହାରୁଛି ଲବଣାକ୍ତ ଗୋଳିଆ ପାଣି,ମରାମତି ପାଇଁ ଦାବି

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଓରାଳି ପଞ୍ଚାୟତ ର ୬ନଂ ୱାର୍ଡ ରେ ପାନୀୟ ଜଳ ସଙ୍କଟ ଦେଖାଦେଇଛି। ୬ ନମ୍ବର ୱାର୍ଡ ବେହେରା ସାହି ରେ ୩୦ରୁ ଉର୍ଦ୍ଧ୍ବ ଗରିବ ପରିବାରର ଶତାଧିକ ଲୋକ ବାସ କରୁଥିବା ବେଳେ ଏମାନଙ୍କ ପାଇଁ ଗୋଟିଏ ନଳକୁପ ରହିଛି। ନଳକୂପରୁ ଲବଣାକ୍ତ ଗୋଳିଆ ପାଣି ବାହାରିବା ଯୋଗୁଁ ଏହାକୁ ପାଟିରେ ଦେବାତ ଦୂର କଥା ,ଆଖିରେ ଦେଖିବି ହେଉନାହିଁ। ଏହାକୁ ନେଇ ସମିତି ସଭ୍ୟ ଦେବବ୍ରତ ବେହେରା ବିଭାଗୀୟ ଯନ୍ତ୍ରୀଙ୍କୁ ବାରମ୍ବାର ଅଭିଯୋଗ କଲେ ମଧ୍ୟ କେହି କର୍ଣ୍ଣପାତ କରୁନଥିବା ସେ କହିଛନ୍ତି। ତେବେ ତୁରନ୍ତ ଜିଲ୍ଲା ପ୍ରଶାସନ ଦୃଷ୍ଟିଦେଇ ପାନୀୟଜଳର ସୁବିଧା କରିବା ପାଇଁ ପଦ୍ମାବତୀ ଜେନା,କନକ ଜେନା,ସୁମିତ୍ରା ଜେନା,କବିତା ଜେନା,ମାଳତୀ ଜେନା,ବିଜୟ ଜେନା ପ୍ରମୁଖ ଗ୍ରାମର ମହିଳା ମାନେ ଦାବି କରିଛନ୍ତି। ଯଦି ପନ୍ଦର ଦିନ ମଧ୍ୟରେ ନଳକୂପ ମରାମତି କରାନଯାଏ କିମ୍ୱା ଲୋକଙ୍କୁ ପାନୀୟ ଜଳର ବ୍ୟବସ୍ଥା କରା ନଯାଏ ତେବେ ଜିଲ୍ଲାପାଳଙ୍କ ନିକଟରେ ଧାରଣାରେ ବସିବା ପାଇଁ ସେମାନେ ଚେତାବନୀ ଦେଇଛନ୍ତି ।