ନାଉଗାଁ ତହସିଲରେ ନୂତନ ତହସିଲଦାରଙ୍କ ଯୋଗଦାନ

ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ତହସିଲରେ ଶୁକ୍ରବାର ନୂତନ ତହସିଲଦାର ଭାବେ ଅକ୍ଷୟ କୁମାର ବଡୁ ଯୋଗଦାନ କରିଛନ୍ତି । ସେ କାର୍ଯ୍ୟାଳୟରେ ପହଂଚି ପୂର୍ବତନ ତହସିଲଦାର ଶୁବାଶୀଷ ପରିଡାଙ୍କ ଠାରୁ ଦାୟିତ୍ୱଗ୍ରହଣ କରିଥିଲେ । ଦାୟିତ୍ୱ ଗ୍ରହଣ କରିବା ପରେ ତାଙ୍କୁ ଅତିରିକ୍ତ ତହସିଲଦାର ଶରତ ପରିଡା, ମୁଖ୍ୟ କିରାଣୀ ଅଶୋକ ସାହୁ, ବରିଷ୍ଠ ସହାୟକ ଅଭିରାମ ରାଉତରାୟ, ସରୋଜ ସାହୁ, ପ୍ରଭାସ ଦଳାଇ, ଡିଇଓ ନରେନ୍ଦ୍ର ଚଇନିଙ୍କ ସମେତ ଅନ୍ୟ କର୍ମଚାରୀମାନେ ଉପସ୍ଥିତ ରହି ନୂତନ ତହସିଲଦାରଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ । ଆଗାମୀ ଦିନରେ ଉକ୍ତ ତହସିଲ ଅଧିନରେ ଥିବା ଜନସାଧାରଣଙ୍କ ସହ ସୁସଂପର୍କ ରଖି କାର୍ଯ୍ୟ କରିବେ ବୋଲି ନୂତନ ତହସିଲଦାର ବଡୁ ମତବ୍ୟକ୍ତ କରିଛନ୍ତି । ବଡୁ ପୂର୍ବରୁ ଭୂବନେଶ୍ୱର ମହାନଗର ନିଗମରେ ସହକାରୀ କମିଶନର ଭାବେ କାର୍ଯ୍ୟ ତୁଲାଉଥିଲେ ।