ନାଉଗାଁ ପଂଚାୟତରେ ଜନ ଶୁଣାଣୀ ଶିବିର
ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ଅନ୍ତର୍ଗତ ନାଉଗାଁ ପଂଚାୟତରେ ପଂଚାୟତସ୍ତରୀୟ ଜନ ଶୁଣାଣୀ ଶିବିର ଶୁକ୍ରବାର ପଂଚାୟତ କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା । ଏହି ଶିବିରରେ ସମୁଦାୟ ୪୨ଟି ଅଭିଯୋଗ ପଂଜୀକୃତ ହୋଇଥିଲା । ଏଥିମଧ୍ୟରେ ପ୍ରଧାନମନ୍ତ୍ରୀ ଆବାସ ଯୋଜନା ସଂପର୍କୀୟ ୩୨ଟି, ଉନ୍ନୟନ ପ୍ରକଳ୍ପ କାର୍ଯ୍ୟକାରୀ ସଂପର୍କୀୟ ୦୫ଟି, ତହସିଲ କାର୍ଯ୍ୟାଳୟ ସଂପର୍କୀୟ ୦୨ଟି, ଖାଦ୍ୟ ସୁରକ୍ଷା ଯୋଜନା ସଂପର୍କୀୟ ୦୧ଟି, ପାନୀୟ ଜଳ ପ୍ରକଳ୍ପ ସଂପର୍କୀୟ ୦୧ଟି, ଭତା ସଂପର୍କୀୟ ୦୧ଟି ଅଭିଯୋଗ ହୋଇଥିଲା । ଏହି ଶିବିରରେ ବିଡିଓ ତପନ କୁମାର ମହାପାତ୍ର, ବ୍ଲକ ସାମାଜିକ ମଙ୍ଗଳ ସଂପ୍ରସାରଣ ଅଧିକାରୀ ସୌରଜିତ ମହାପାତ୍ର, ଯୋଗାଣ ନିରୀକ୍ଷକ ପ୍ରଦିପ୍ତ ପ୍ରସନ୍ନ ନାୟକ,ପିଇଓ ସୁଶାନ୍ତ କୁମାର ରାଉତ, ଏଡିଇଓ ଜ୍ୟୋତିକାନ୍ତ ବରାଳ, ସମାଜସେବୀ ସମୀର ନାୟକ, ଅନିଲ କୁମାର ଲେଙ୍କା, ନାଏବ ସରପଂଚ ଉଲ୍ଲାସ ଚନ୍ଦ୍ର ରାୟଙ୍କ ସମେତ ବ୍ଲକର ବିଭାଗୀୟ ଅଧିକାରୀମାନେ ଉପସ୍ଥିତ ରହି ଅଭିଯୋଗକୁ ଶୁଣାଣି କରିଥିଲେ ।
