ନାବାଳକକୁ ଶୁଣ୍ଢରେ ଫିଙ୍ଗିଲା ଦନ୍ତା

କେନ୍ଦୁଝର,(ପୂର୍ଣ୍ଣ ଚନ୍ଦ୍ରମହାନ୍ତ):୧୦ ବର୍ଷର ବାପାମା ଛେଉଣ୍ଡ ନାବାଳକ କୁ ଶୁଣ୍ଢରେ ଫିଙ୍ଗିଲା ଦନ୍ତା। ତେଲକୋଇ ଫରେଷ୍ଟ ବିଟ କନ୍ତଲେଇ ଗାଁ ମୁଣ୍ଡାସାହି ରେ ଘଟିଛି ଘଟଣା। ଚରଣ ମୁଣ୍ଡା ଘର ନିକଟରେ ଥିବା ବେଳେ ୭୦ ଟିକିଏ ହାତୀ ପଲ ହାବୁଡରେ ପଡ଼ିଯାଇଥିଲେ ନାବାଳକ। ହାତୀ ପଲରେ ଥିବା ଦନ୍ତା ଚରଣ ଙ୍କୁ ଶୁଣ୍ଢରେ ଫିଙ୍ଗି ଦେଇଥିଲା। ଫଳରେ ଚରଣ ଗୁରୁତର ହୋଇ ପଡ଼ିଥିଲେ। ତାଙ୍କୁ ସଙ୍ଗେ ସଙ୍ଗେ ବନ କର୍ମଚାରୀ ତେଲକୋଇ ମେଡ଼ିକାଲ ରେ ଭର୍ତ୍ତି କରିଥିଲେ। ଅବସ୍ଥା ଗୁରୁତର ହେବାରୁ ତାଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରାଯାଇଛି।ନାବାଳକ ଙ୍କ ମା ଓ ବାପାଙ୍କ ମୃତ୍ୟୁ ଘଟିଥିବା ବେଳେ କେବଳ ଆଇ ବୁଢି ଙ୍କ ଆଶ୍ରାରେ ରହିଛନ୍ତି ଦୁଇ ଭାଇ। ଦୀର୍ଘ ଦିନ ହେବ ତେଲକୋଇ ରେଞ୍ଜ ରେ ହାତୀପଲଙ୍କ ଉପଦ୍ରବ ଜାରି ରହିଥିବା ବେଳେ ଫସଲ କୁ ସୁରକ୍ଷା ଦେବାପାଇଁ ଲୋକେ ନିଆଁ ଜାଳି ହାତୀଙ୍କ ଗତିପଥକୁ ଅବରୋଧ କରୁଛନ୍ତି। ଯାହା ଫଳରେ ହାତୀପଲ ଗାଁ ଆଡକୁ ମୁହାଁଉଛନ୍ତି ବୋଲି ବନାଞ୍ଚଳ ଅଧିକାରୀ ପ୍ରକାଶ କରିଛନ୍ତି।