ନୂତନ ଜଗନ୍ନାଥ ମନ୍ଦିରରେ ରତ୍ନମୁଦ ସ୍ଥାପନ

ବନ୍ତ, (ଚାନ୍ଦିନୀ ମହାନ୍ତି):ବନ୍ତ ବ୍ଲକ ନିଳୋକ ପଞ୍ଚାୟତ ଓଳମସ୍ଥିତ ନୂତନ ଜଗନ୍ନାଥ ମନ୍ଦିରର ଶୁଭ ରତ୍ନମୁଦ ସ୍ଥାପନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ସୂର୍ଯ୍ୟ ପୂଜନ, ଗୋମାତା ପୂଜନ, ଗୁରୁ ପୂଜନ, ଗ୍ରାମସ୍ଥ ଦେବାଦେବୀ ପୂଜନ, ଲକ୍ଷ୍ମୀ ନାରାୟଣ ପୂଜନ, ଇନ୍ଦ୍ରଇନ୍ଦ୍ରାଣୀ ପୂଜନ, ବାସ୍ତୁ ପୂଜନ ଓ ଚକ୍ରନ୍ୟାସ, ଚକ୍ରରାଜ ଗ୍ରାମ ପରିକ୍ରମା ଓ ରତ୍ନମୁଦ ସ୍ଥାପନ, ଚକ୍ର ସ୍ଥାପନ, ମନ୍ତ୍ର, ଆଳତୀ ଓ ପୁଷ୍ପାଞ୍ଜଳୀ ଆଦି କାର୍ଯକ୍ରମ ଅନୁଷ୍ଠିତ ହୋଇଥିଲା । ପଣ୍ଡିତ ପଦ୍ମନାଭ ପଣ୍ଡା, ଧରଣୀଧର ଦ୍ୱିବେଦୀ, ପ୍ରଭାତ ପାଣିଗ୍ରାହୀଙ୍କ ଦ୍ୱାରା ସମସ୍ତ ପୂଜା କାର୍ଯ୍ୟ ସମ୍ପର୍ଣ୍ଣ ହୋଇଥିଲା । ଏହି ପୂଜାରେ କର୍ତ୍ତା ଭାବେ ରାମ ଚନ୍ଦ୍ର ରାଉତ ଓ ବାସନ୍ତୀ ରାଉତ ଦାୟୀତ୍ୱ ତୁଲାଇଥିଲେ । ଏଥିରେ ଛତିଆ ବଟର ସାନ ମଣିମା ପ୍ରଫୁଲ୍ଲ ଦାସ, ଝଙ୍କଡରୁ ଆଗତ ପଣ୍ଡିତ ସୂର୍ଯ୍ୟ ନାରାୟଣ ପଣ୍ଡାଙ୍କ ସମେତ ରାଜ୍ୟ ବିଜେପି ପ୍ରବକ୍ତା ପତଞ୍ଜଳୀ କରଶର୍ମା, ବିଡିଓ ପ୍ରଦୀପ କୁମାର ସେଠୀ, ବରିଷ୍ଠ ବିଜେପି ନେତା ଶଙ୍କର୍ଷଣ ଜେନା, ସମିତି ସଭ୍ୟ ଉଦ୍ଧବ ଚରଣ ସେଠୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ । କାର୍ଯ୍ୟକ୍ରମ ପରିଚାଳନାରେ ସମସ୍ତ ଗ୍ରାମବାସୀ ସହଯୋଗ କରିଥିଲେ ।