ପଞ୍ଚାୟତ ହାଇସ୍କୁଲ ଶାସଙ୍ଗରେ ଏନ.ସି.ସି ଦିବସ ପାଳିତ

ହାଟଡିହି, (ବିକାଶ ବିଶ୍ୱାଳ):ପଞ୍ଚାୟତ ହାଇସ୍କୁଲ ଶାସଙ୍ଗ ଠାରେ ଏନ.ସି.ସି ଦିବସ ପାଳିତ ହୋଇଯାଇଛି। ନଭେମ୍ବର ମାସର ଶେଷ ରବିବାରକୁ ଏନ.ସି.ସି ଦିବସ ଭାବେ ପାଳନ କରାଯାଉଥିବା ବେଳେ ଆଜି ସକାଳେ ଏନ.ସି.ସି. କ୍ୟାଡ଼େଟ ମାନେ ପ୍ୟାରେଡ଼ ପ୍ରଦର୍ଶନୀ କରିବା ସହିତ ଏନ.ସି.ସି. ସଙ୍ଗୀତ ଗାନ କରିଥିଲେ। ପରେ ବିଦ୍ୟାଳୟ ସଭାଗୃହ ଠାରେ ପ୍ରଧାନଶିକ୍ଷକ ନବକିଶୋର ବିଶ୍ୱାଳଙ୍କ ଅଧକ୍ଷତାରେ ଅନୁଷ୍ଠିତ ସଭାରେ ଅବସରପ୍ରାପ୍ତ ସୈନିକ ଦୁର୍ଯୋଧନ କର, ସୁନ୍ଦାମ ଚ଼ରଣ ବିଶ୍ଵାଳ, କାର୍ଯ୍ୟରତ ସୈନିକ ଶ୍ରୀଧର ବିଶ୍ୱାଳ, ସାମ୍ବାଦିକ କିଶୋର ଆଚାର୍ଯ୍ୟ, ଗୋପାଳ କୃଷ୍ଣ ରାଉତ, ପୁରୁଜୋଡ଼ି ହାଇସ୍କୁଲର ପ୍ରଧାନ ଶିକ୍ଷକ ଶଶିଭୂଷଣ ଜେନା, ଓଷ୍ଟାର ବ୍ଲକ ସଭାପତି ନବଘନ ନାୟକ, ଶିକ୍ଷକ ରାଧାକୃଷ୍ଣ ପତି, ମାଧବାନନ୍ଦ ଜେନା, ପଦ୍ମନାଭ ପଣ୍ଡା, ଲକ୍ଷ୍ମୀକାନ୍ତ ମିଶ୍ର, ସୁଧାଶୁଂ ଶେଖର ବେହେରା ପ୍ରମୁଖ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ବିଦ୍ୟାଳୟରେ ଏନ.ସି.ସି.ର ଆବଶ୍ୟକତା ସମ୍ପର୍କରେ ଆଲୋକପାତ କରିବା ସହ ଶୃଙ୍ଖଳା, ସହନଶୀଳତା, ସାହସିକତା ଉପରେ ବକ୍ତବ୍ୟ ରଖିଥିଲେ। ଏ.ଏନ. ଓ ଶିଶିର କୁମାର ବିଶ୍ଵାଳ ପ୍ରାରମ୍ଭିକ ସୁଚ଼ନା ଓ ଅତିଥି ପରିଚୟ ପ୍ରଦାନ କରିଥିବା ବେଳେ ଖେଳ ଶିକ୍ଷକ ଶାନ୍ତନୁ କୁମାର ରାଉତ ଧନ୍ୟବାଦ ଅର୍ପଣ କରିଥିଲେ । ପ୍ରଦୀପ କୁମାର ସ୍ୱାଇଁ, ରମେଶ ନାୟକ, ପର୍ଶୁରାମ ନାୟକ, ସତ୍ୟବ୍ରତ ବିଶ୍ଵାଳ କାର୍ଯ୍ୟକ୍ରମ ପରିଚାଳନା କରିଥିଲେ।