ପ୍ରଥମ ଜିଲ୍ଲା ମତସୋଗିଡୁ ଚମ୍ପିଆନସିପ୍-୨୦୨୪ ଉଦ୍ଘାଟିତ
ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ଭୁବନେଶ୍ୱର ମତସୋଗିଡୁ ଆସୋସିଏସନ ତରଫରୁ ବୁଦ୍ଧମନ୍ଦିର ପରିସରରେ ପ୍ରଥମ ମତସୋଗିଡୁ ଚମ୍ପିଆନସିପ୍-୨୦୨୪ ଉଦ୍ଘାଟିତ ହୋଇଯାଇଛି । ଏହି ପ୍ରତିଯୋଗିତାରେ ବିଭିନ୍ନ ଅନୁଷ୍ଠାନରୁ ୧୫୦ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ । ଏଥିରେ ମୁଖ୍ୟ ଅତିଥି ଭାବେ ଭୁବନେଶ୍ୱର-ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଯୋଗ ଦେଇଥିବା ବେଳେ ଆସୋସିଏସନର ସଭାପତି ସୂର୍ଯ୍ୟ ପ୍ରକାଶ ପତି ଏବଂ ସମ୍ପାଦକ ପ୍ରଭାତ ଚନ୍ଦ୍ର ସାହୁ, ଜୟକୃଷ୍ଣ ପରିଡ଼ା, ମନୋରଞ୍ଜନ ପାତ୍ର, ଶକ୍ତି ପତି ପ୍ରମୁଖ ଅନ୍ୟତମ ଅତିଥି ଭାବେ ଯୋଗଦାନ କରିଥିଲେ । ଅଫିସିଆଲ ଭାବେ ରାଜେଶ କୁମାର ବିଶ୍ୱାଳ, ଆଶୁତୋଷ କୁମାର ସାହାଣୀ ପ୍ରତିଯୋଗିତାକୁ ପରିଚାଳନା କରିଥିଲେ । କୈଳାସ ବାରିକ, ଅମର ନାହାକ, ତରୁଣ କୁମାର ସାହୁ, କିରଣବାଳା ବିଶ୍ୱାଳ, କଇମୁର ଖାନ୍, ରଶ୍ମିତା ରାଉତ, ଋତୁରାଜ ରଥ, ଲଳିତ କୁମାର ନାୟକ ରେଫରୀ ଭାବେ ସୁଚାରୁ ରୂପେ କାର୍ଯ୍ୟ ତୁଲାଇଥିଲେ । ଏଥିପାଇଁ ଭୁବନେଶ୍ୱର ମତସୋଗିଡୁ ଆସୋସିଏସନର ସମ୍ପାଦକ ଦୁର୍ଲ୍ଲଭ ବେହେରା ପ୍ରତିଯୋଗୀମାନଙ୍କୁ ଅଭିନନ୍ଦନ ଜଣାଇଥିଲେ ।
