ବଡ଼ରମ୍ପାସ ଗ୍ରାମର ଅଗ୍ନିବିପନ୍ନ ଙ୍କୁ ଭେଟିଲେ ବିଧାୟକ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ବଡ଼ରମ୍ପାସ ଗ୍ରାମରେ ଗତକାଲି ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ସୁରେନ୍ଦ୍ର ଦାସ ଓ ଚାଳ ଘରଟି ପୋଡିଯାଇଛି ରାତି 1ଟା ସମୟରେ ଦୁଇ ବଖରା ଘର ଘରପୋଡି ଯାତାରିଣୀପ୍ରସାଦ ଦାସଙ୍କ ତିନି ବଖରା ଘର ସଂପୂର୍ଣ୍ଣ ନଷ୍ଟ ହୋଇଯାଇଛି। ସେମାନେ ଘରେ ଶୋଇଥିବା ବେଳେ ଆକସ୍ମିକ ଅଗ୍ନିକାଣ୍ଡ ଘଟିଥିଲା। ନିଜ ଜୀବନ ବଞ୍ଚାଇ ପରିବାର ଲୋକେ ବାହାରକୁ ବାହାରି ଆସିଥିବା ବେଳେ କୌଣସି ସାମଗ୍ରୀ ଉଦ୍ଧାର କରାଯାଇ ପାରିନାହିଁ। ଏଥିରେ ଦୁଇଟିଯାକ ପରିବାରର ସମସ୍ତ ଗୃହୋପକରଣ ସାମଗ୍ରୀ ପୋଡି ଧ୍ଵଂସ ପାଇଯାଇଛି। ହାଟଡିହି ଅଗ୍ନିଶମ ବାହିନୀର କର୍ମଚାରୀ ମାନେ ପହଞ୍ଚି ନିଆଁ ଲିଭାଇଥିଲେ। ଅଗ୍ନିକାଣ୍ଡ ଖବର ପାଇ ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ, ବଡରମ୍ପାସ ସରପଞ୍ଚ ରବୀନ୍ଦ୍ର ଯେନା, ବଡରମ୍ପାସ ସଭ୍ୟ ବାବାନ ସେଠୀ, ବଡରମ୍ପାସ ସମବାୟ ସମିତି ସଭାପତି ନିରଞ୍ଜନ ସାହୁ ପ୍ରମୁଖ ବିପନ୍ନ ଙ୍କ ପାଖରେ ପହଞ୍ଚି ସମବେଦନା ଜଣାଇବା ସହିତ ସମସ୍ତ ପ୍ରକାର ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି।