ବାଇକ୍ ଧକ୍କାରେ ଜଣେ ମୃତ, ୩ ଗୁରୁତର
ବନ୍ତ,(ଚାନ୍ଦିନୀ ମହାନ୍ତି) : ବନ୍ତ ବ୍ଲକ ଅଧିନ ଭଦ୍ରକ-ଆନନ୍ଦପୁର ରାଜ୍ୟ ରାଜପଥର ଶ୍ରୀବନ୍ତପୁର ଛକ ଠାରେ ବାଇକ୍ ଧକ୍କାରେ ଜଣେ ଯୁବକ ମୃତ୍ୟୁ ବରଣ କରିଥିବା ବେଳେ ୩ ଜଣ ଗୁରୁତର ଆହତ ହୋଇ ଭଦ୍ରକ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ଜଣାଯାଇଛି । ପ୍ରକାଶ ଯେ, ବନ୍ତ ଥାନା ଅଧିନ ଅଜାଣଗଢିଆ ଗ୍ରାମର ଶ୍ରୀଧର ଜେନା ଓ ପ୍ରଫୁଲ୍ଲ ଜେନା ଏକ ପଲସର ବାଇକ୍ ଯୋଗେ ଶ୍ରୀବନ୍ତପୁର ଗ୍ରାମ ରାସ୍ତାରୁ ରାଜ୍ୟ ରାଜପଥକୁ ଉଠୁ ଥିଲେ । ଏହି ସମୟ ମଧ୍ୟରେ କେନ୍ଦୁଝର ଜିଲା ନହଙ୍ଗ ଗ୍ରାମର ୨ ଯୁବକ ଏକ ଆପାଚି ବାଇକ୍ରେ ଆନନ୍ଦପୁର ଆଡୁ ଆସି ଧକ୍କା ଦେଇଥିଲେ । ଫଳରେ ୨ ବାଇକ୍ରେ ଥିବା ସମସ୍ତ ଆରୋହୀ ଗୁରୁତର ହୋଇଥିଲେ । ଘଟଣା ସ୍ଥଳରେ ପୋଲିସ ପହଞ୍ôଚ ସ୍ଥାନୀୟ ଲୋକ ଓ ସହିଦ ଭଗତ ସେନାର ଯୁବକ ମାନଙ୍କ ସହାୟତାରେ ସମସ୍ତ ଆହତ ମାନଙ୍କୁ ଆମ୍ବୁଲାନ୍ସ ଯୋଗେ ଭଦ୍ରକ ସ୍ଥାନାନ୍ତର କରାଯାଇଛି । ଭଦ୍ରକ ଡାକ୍ତରଖାନାରେ ଜଣେ ଯୁବକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
