ବାଉରିଆକଣ ଗ୍ରାମରେ ଅଜଣା ବନ୍ୟ ଜନ୍ତୁକୁ ଦେଖି ଲୋକେ ଆତଙ୍କିତ

ନିମାପଡ଼ା,( ସନ୍ତୋଷ ଦାଶ):ପୁରୀ ଜିଲ୍ଲା ଅସ୍ତରଙ୍ଗ ବନାଞ୍ଚଳ ଅଧିନସ୍ଥ
ଦେବୀ ନଦୀ କୂଳ ବାଉରିଆକଣ ଗ୍ରାମ ରେ ଅଜଣା ବନ୍ୟ ଜନ୍ତୁ କୁ ଦେଖି ଲୋକେ ଆତଙ୍କିତ ହୋଇ ପଡିଛନ୍ତି। ଗ୍ରାମ ର କିଛି ବ୍ୟକ୍ତି ଗତ କାଲି ରାତି ରେ ଏହି ଜନ୍ତୁ କୁ ଦେଖି ମୋବାଇଲ ରେ ଭିଡିଓ ଉତ୍ତୋଳନ କରିଥିଲେ। ଉକ୍ତ ବନ୍ୟ ଜନ୍ତୁ ଟି ଠିକ୍ ବାଘ ପରି ଦେଖା ଯାଉଥିବାରୁ ଉକ୍ତ ଗ୍ରାମ ଓ ନଦୀ କୂଳରେ ଥିବା ଗ୍ରାମର ଗ୍ରାମବାସୀ ମାନେ ଭୟଭୀତ ହୋଇ ପଡିଛନ୍ତି। ଏହି ଜନ୍ତୁ ର କେତୋଟି ଛୁଆ ମଧ୍ୟ ରହିଥିବା କିଛି ଗ୍ରାମବାସୀ ପ୍ରକାଶ କରିଛନ୍ତି। ତୁରନ୍ତ ବନ ବିଭାଗ ପକ୍ଷରୁ ଅନୁସନ୍ଧାନ କରାଯାଇ ଜନ୍ତୁ ଟି କି ଜନ୍ତୁ ତାହା ପ୍ରକାଶ କରିବାକୁ ଦାବି କରିଛନ୍ତି। ପୁରୀ ଡି ଏଫ ଓ ବିବେକ କୁମାର ଏ ସଂପର୍କ ରେ କହିଛନ୍ତି ଯେ, ଉକ୍ତ ବନ୍ୟ ଜନ୍ତୁ ଟି ମାଛରଙ୍କା ବିଲେଇ (ଫିଶିଂ କ୍ୟାଟ)ବୋଲି ଭିଡିଓ ରୁ ଜଣାପଡ଼ୁଚି। ଏହି ଜନ୍ତୁ ମନୁଷ୍ୟ ର କିଛି କ୍ଷତି କରେ ନାହିଁ। ଏଣୁ ଲୋକ ମାନେ ଭୟଭୀତ ନ ହେବାକୁ ସେ ପରାମର୍ଶ ଦେଇଛନ୍ତି।