ବିଜେପିରେ ଯୋଗଦେଲେ ପୂର୍ବତନ ଉପନଗରପାଳ ଦୁର୍ଗାମଣି

ବାରିପଦା,(ମୁରାରୀ ମୋହନ ମହାପାତ୍ର ):ବାରିପଦା ମ୍ୟୁନିସିପାଲିଟିର ପୂର୍ବତନ ଉପନଗରପାଳ ତଥା ମୟୂରଭଞ୍ଜ ବିଜେଡିର ନାରୀନେତ୍ରୀ ଦୁର୍ଗାମଣି ଆଚାର୍ଯ୍ୟ ବିଜେପିରେ ଯୋଗ ଦେଇଛନ୍ତି. ସ୍ଥାନୀୟ ତକତପୁର ସ୍ଥିତ ବିଜେପିର ଜିଲ୍ଲା କାର୍ଯ୍ୟାଳୟରେ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ସେ ନିଜର ସମର୍ଥକଙ୍କ ସହିତ ଦଳରେ ଯୋଗ ଦେଇଛନ୍ତି ବୋଲି ଦଳର ରାଜ୍ୟ ପ୍ରବକ୍ତା କବିବିଷ୍ଣୁ ଶତପଥୀ ପ୍ରକାଶ କରିଛନ୍ତି. ଶ୍ରୀମତୀ ଆଚାର୍ଯ୍ୟ ୨୦୦୩ ମସିହାରୁ ୨୦୦୭ ମସିହା ପର୍ଯ୍ୟନ୍ତ ବାରିପଦାର ପୋୖର ପରିଷଦର ଉପାଧ୍ୟକ୍ଷା ଓ ପରେ ପରେ ସହରର ଏକ ନମ୍ବର ୱାର୍ଡର କାଉନସିଲର ଥିଲେ. ସେ ଅତୀତରେ ବିଜେଡି ମହିଳା ମୋର୍ଚ୍ଚା ମୟୂରଭଞ୍ଜ ଜିଲ୍ଲା ଶାଖାର ସଭାନେତ୍ରୀ ମଧ୍ୟ ଥିଲେ.