ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ

କେନ୍ଦ୍ରାପଡା,(ଯୁଗାବ୍ଦ ନ୍ୟୁଜ୍‌): ଡେରାବିଶ ବ୍ଲକ ଅନ୍ତର୍ଗତ ଛୋଟୀର ରାମଚଣ୍ଡୀ ଶିକ୍ଷା ନିକେତନରେ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ଏହି ବିଜ୍ଞାନ ମେଳାକୁ ବିଦ୍ୟାଳୟର ପ୍ରଧାନ ଶିକ୍ଷକ ସତ୍ୟରାମ ବାରିକ ଉଦଘାଟନ କରିଥିଲେ । ବିଦ୍ୟାଳୟର ବିଜ୍ଞାନ ଶିକ୍ଷକ ଭାଗବତ ରାଉତଙ୍କ ତତ୍ୱାବଧାନରେ ଗଣିତ ବିଜ୍ଞାନ ପ୍ରକଳ୍ପ ଗୁଡିକ ପ୍ରଦର୍ଶିତ ହୋଇଥିଲା । ମଙ୍ଗଳେଶ୍ୱର ବିଦ୍ୟାପୀଠର ଶିକ୍ଷକ ଗୈାରାଙ୍ଗ ସାହୁ ଏବଂ ଫକିରାବାଦ ରାମଚନ୍ଦ୍ର ବିଦ୍ୟାପୀଠର ଶିକ୍ଷକ ମନୋରଞ୍ଜନ ତ୍ରିପାଠୀ ବିଚାରକ ଭାବେ ଯୋଗଦେଇ କୁନି କୁନି ବୈଜ୍ଞାନିକମାନଙ୍କୁ ପୁରସ୍କୃତ କରିଥିଲେ । ସେହି ବିଦ୍ୟାଳୟର ଶିକ୍ଷକ ତ୍ରିଲୋଚନ ମଲ୍ଲିକ ଅତିଥି ପରିଚୟ ପ୍ରଦାନ ସହ ଧନ୍ୟବାଦ ଅର୍ପଣ କରିଥିଲେ । ଶିକ୍ଷୟତ୍ରୀ ତପସ୍ୱିନୀ ମଲ୍ଲିକ, ରେବତୀ ବାରିକ, ଜ୍ୟୋସ୍ନାରାଣୀ ଜେନା ଓ ଶିକ୍ଷକ ନାରାୟଣ ସାହୁ ବିଜ୍ଞାନ ମେଳା ପରିଚାଳନାରେ ସହଯୋଗ କରିଥିଲେ ।