ବୃତ୍ତି ପରୀକ୍ଷାରେ ମହର୍ଷି ପବ୍ଲିକ ସ୍କୁଲର ସଫଳତା
ବାରିପଦା,(ମୁରାରୀ ମୋହନ ମହାପାତ୍ର): ବାଘଡ଼ା ରୋଡ଼ ସ୍ଥିତ ମହର୍ଷି ପବ୍ଲିକ ସ୍କୁଲର ତୃତୀୟ ଶ୍ରେଣୀର ଛାତ୍ରୀ ଶୁଭଶ୍ରୀ ମହାନ୍ତ ଓଡ଼ିଶା ସରକାରଙ୍କ ଦ୍ୱାରା ହୋଇଥିବା ବୃତ୍ତି ପରୀକ୍ଷାରେ ଉତୀର୍ଣ୍ଣ ହୋଇ ସ୍କୁଲର ଗୌରବ ବୃଦ୍ଧି କରିଛନ୍ତି. ଏହି ଅବସରରେ ସ୍କୁଲର ଅଧ୍ୟକ୍ଷ, ଶିକ୍ଷକ, ଶିକ୍ଷୟତ୍ରୀ ଶୁଭଶ୍ରୀଙ୍କୁ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଶୁଭେଚ୍ଛା ଜଣାଇ ଛନ୍ତି. କାର୍ଯ୍ୟକ୍ରମରେ ବାରିପଦା ଶିକ୍ଷା ମଣ୍ଡଳର ଏବିଇଓ ତଥା ବିଆରସି ତପସ୍ଵିନୀ ଦାଶ ଅତିଥି ଭାବେ ଯୋଗଦେଇ ଶୁଭଶ୍ରୀ ମହାନ୍ତକୁ ପୁଷ୍ପଗୁଛ, ପ୍ରମାଣପତ୍ର ଏବଂ ଏକ ହଜାର ଟଙ୍କାର ଆର୍ଥିକ ପୁରସ୍କାର ପ୍ରଦାନ କରିବା ସହ କଠିନ ପରିଶ୍ରମ ଜାରି ରଖିବାକୁ ପରାମର୍ଶ ଦେଇଥିଲେ. ଶୁଭଶ୍ରୀଙ୍କ ମା ଶ୍ରୀମତୀ ଗୀତାଙ୍କୁ ମଧ୍ୟ ଉତ୍ତରୀୟ ପ୍ରଦାନ କରିବା ସହ ଧନ୍ୟବାଦ ଅର୍ପଣ କରାଯାଇଥିଲା. ଶେଷରେ ସ୍କୁଲର ଶିକ୍ଷକ ଧନ୍ୟବାଦ ଦେଇଥିଲେ.
