ବ୍ଲକ ଯୋଗାଣ ଅଧିକାରୀଙ୍କୁ ବିଦାୟ ସମ୍ବର୍ଦ୍ଧନା

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଯୋଗାଣ ଅଧିକାରୀ ଦିଲ୍ଲୀପ କୁମାର ସାହୁ ହାଟଡିହି ବ୍ଲକରୁ ମୟୂରଭଞ୍ଜ ଜିଲ୍ଲା କୁ ବଦଳି ହୋଇଛି। ଏଥିପାଇଁ ଆଜି ତାଙ୍କୁ ବ୍ଲକ ପକ୍ଷରୁ ବିଦାୟ ସମ୍ବର୍ଦ୍ଧନା ଦିଆ ଯାଇଛି। ବ୍ଲକ ସଭାଗୃହ ଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ସାବିତ୍ରୀ ସେଠୀ, ବିଡ଼ିଓ ସୌମ୍ୟଶ୍ରୀ ପାଣିଗ୍ରାହୀ ଯୋଗଦେଇ ବ୍ଲକ ଯୋଗାଣ ଅଧିକାରୀ ଦିଲ୍ଲୀପ କୁମାର ସାହୁଙ୍କ ନିଷ୍ଠାପର କର୍ତ୍ତବ୍ୟ ସମ୍ପାଦନ ଉପରେ ଆଲୋକପାତ କରିଥିଲେ। ବିଶେଷ କରି ଶ୍ରୀ ସାହୁ ଏହି ବ୍ଲକରେ ମାତ୍ର ଗୋଟିଏ ବର୍ଷ କାର୍ଯ୍ୟ କରିବା ଭିତରେ ପିଡ଼ିଏସ ସାମଗ୍ରୀ ଯୋଗାଣରେ ଅନିୟମିତତାକୁ ସୁଧାରିବାରେ ସକ୍ଷମ ହେଇଥିଲେ। ସେ ଜଣେ ନିଷ୍ଠାପର, ସମୟାନୁବର୍ତ୍ତିତା, ଓ ସଚ୍ଚୋଟ ଅଧିକାରୀ ଭାବରେ ନିଜକୁ ପ୍ରତିଷ୍ଠିତ କରାଇ ପାରିଥିଲେ ବୋଲି ଅତିଥି ମାନେ ମତବ୍ୟକ୍ତ କରିଥଲେ। ଏହି ଅବସରରେ ବ୍ଲକର ସମସ୍ତ କର୍ମଚାରୀଙ୍କ ପକ୍ଷରୁ ପୁଷ୍ପଗୁଚ୍ଛ ଓ ଉପଢ଼ୌକନ ଦିଆ ଯାଇ ସମ୍ବର୍ଦ୍ଧିତ କରଯାଇଥିଲା। ଏଥିରେ ବ୍ଲକର ସମସ୍ତ ଅଧିକାରୀ ଓ କର୍ମଚାରୀ ମାନେ ସାମିଲ ହୋଇଥିଲେ।