ମଝିପଡାରେ ଶ୍ରୀ ଶ୍ରୀ କାର୍ତିକେଶ୍ୱରଙ୍କ ପୂଜା

ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ଅନ୍ତର୍ଗତ ଗଙ୍ଗଦା(ମଝିପଡା)ସ୍ଥିତ କାର୍ତିକେଶ୍ୱର ପୂଜା କମିଟି ତରଫରୁ ମଝିପଡାର ଗୋପାଳ ଦାସ ପୀଠରେ ଅଷ୍ଟମ ବାର୍ଷିକ ଷୋଡଶ ଉପଚାର ପୂଜା ଶୁକ୍ରବାର ଅନୁଷ୍ଠିତ ହୋଇଯାଇଛି । ଛଅ ଦିନ ବ୍ୟାପି ହେବାକୁ ଥିବା ଉକ୍ତ ପୂଜାରେ ପ୍ରତ୍ୟେହ ପ୍ରାତଃ ସମୟରୁ ସୂର୍ଯ୍ୟପୂଜା, ଗୋ ପୂଜା, ଅଗ୍ନି ସ୍ଥାପନ, ଷୋଡଶ ଉପଚାର ପୂଜା କରାଯିବା ସହ ପ୍ରତ୍ୟେହ ସଂଧ୍ୟାରେ ଆଧ୍ୟାତ୍ମିକ କାର୍ଯ୍ୟକ୍ରମ ଅନୁଷ୍ଠିତ ହେଉଛି । ଉକ୍ତ କାର୍ଯ୍ୟକ୍ରମକୁ ପୂଜା କମିଟିର ସମସ୍ତ ସଦସ୍ୟ ଓ ଗ୍ରାମବାସୀ ପରିଚାଳନା କରୁଛନ୍ତି ।