ମହିଁଷାସୁର ଘରପୋଡିରେ ଵିପନ୍ନ ପରିବାରଙ୍କୁ ସାଂସଦ ବୈଜୟନ୍ତଙ୍କ ସହାୟତା

ରାଜନଗର, (ୱାଇ ଏନ ଏସ):କେନ୍ଦ୍ରାପଡା ଜିଲ୍ଲା ବାସୀ ଏପରି ଜଣେ ମହାନ ଵ୍ୟକ୍ତିତ୍ବ ଥିବା ନେତା ପାଇଛନ୍ତି ସେ ସମସ୍ତଙ୍କ ଘରେ ଘରେ ପରିଚିତ ତଥା ଆଦରଣୀୟ। ଯେତେଵେଳେ ଦେଶରେ ହେଉ କି ବିଦେଶରେ ହେଉ ଦାଦନ ଖଟିବାକୁ ଯାଇ ନିର୍ଯ୍ୟାତନାର ଶିକାର ହୋଇ ବନ୍ଧା ଵନ୍ଧା ପଡିଥିବା ଲୋକଙ୍କୁ ସାହାଯ୍ୟର ହାତ ବଢାଇ ବିଦେଶରୁ ପିଲାଙ୍କୁ ଫେରାଇ ଆଣି ତାଙ୍କ ବାପା ମାଙ୍କ ଆଖିରୁ ଲୁହ ପୋଛି ଖୁସି କରାଉଥିବା ବ୍ୟକ୍ତି ଆଉ କେହି ନୁହଁନ୍ତି ସେହେଉଛନ୍ତି ଆମର ସୁଖ ଦୁଖର ସାଥୀ ସାଂସଦ ଵୈଜୟନ୍ତ ପଣ୍ଡା ,ଯାହାକୁ ଆମେ ସାଂସଦ ଭାବେ ନିର୍ବାଚିତ କରି ଗର୍ବ ଅନୁଭଵ କରୁଛୁ।କେବଳ ସେତିକିରେ ଵଦନ୍ୟତା ସୀମିତ ରହି ନାହିଁ କାହାର ଘରପୋଡି ହେଉ କି ଅକାଳ ମୃତ୍ଵ୍ୟୁ, କିମ୍ବା ଦୈବୀଦୁର୍ଵିପାକ ଦୁର୍ଘଟଣା ,ଗରିବ ପିଲାଙ୍କ ପାଠପଢା ସହାୟତା ,ସର୍ବପରି ଗରୀବ ରୋଗୀଙ୍କୁ ମେଡିକାଲରେ ସହାୟତା ଯୋଗାଇ ସେ କେନ୍ଦ୍ରାପଡା ଜିଲ୍ଲା ବାସିଙ୍କର ଦେବଦୂତ ସାଜିଛନ୍ତି ଏହି ମହାନ ବ୍ୟକ୍ତିରେ ପରିଣତ ହୋଇଛନ୍ତି।ଏହି ଜିଲ୍ଲାର ରାଜନଗର ବ୍ଲକର ମହିଁଷାସୁର ଗ୍ରାମର ନିର ଵିଶ୍ବାଳଙ୍କ ଘର ବୁଧବାର ଦିନ ଅଗ୍ନି କାଣ୍ଡରେ ପୋଡିଯାଇ ବହୁ ମୂଲ୍ୟର ଧାନ ଚାଉଳ ନଷ୍ଟ ହୋଇଯାଇଥିଲା।ଏହି ଦୁଃଖଦ ଖବର ପାଇ ସାଂସଦ ଵୈଜୟନ୍ତ ପଣ୍ଡା ଦୂରଥାଇ ଆସିପାରି ନଥିବାରୁ ବିପନ୍ନ ପରିବାରଙ୍କ ଦୁଃଖରେ ସମଵେଦନା ଜଣାଇ ଛନ୍ତି।ଆଜି ବିଜେପି ଜିଲ୍ଲା କୃଷକ ମୋର୍ଚ୍ଚାର ସଭାପତି ଶ୍ରୀ ଶ୍ରୀଧର ପ୍ରଧାନଙ୍କ ମାଧ୍ୟମରେ ବିପନ୍ନ ପରିବାରଙ୍କ ପାଇଁ କିଛି ଆର୍ଥୀକ ସହାୟତା ସାଂସଦ ଶ୍ରୀଯୁକ୍ତ ପଣ୍ଡା ପଠାଇ ଥିଲେ। ଆଜି ସଭାପତି ଶ୍ରୀପ୍ରଧାନ ମହିଁଷାସୁର ଯାଇ ବିପନ୍ନ ପରିବାରର ମୁଖ୍ୟ ଶ୍ରୀ ନିର ଵିଶ୍ବାଳଙ୍କୁ ସାଂସଦ ପଠାଇଥିବା ସହାୟତା ରାସି ଦେଇଥିଲେ।