ମାଣିତରାରେ ଶ୍ରୀ ସତ୍ୟସାଇ ବାବାଙ୍କ ଜୟନ୍ତୀ ପାଳନ

ବୁଗୁଡା, (ଅନିଲ କୁମାର ମହାରଣା):ଗଞ୍ଜାମ ଜିଲ୍ଲାର ବୁଗୁଡା ବ୍ଲକ ଅନ୍ତର୍ଗତ ମାଣିତରା ଗ୍ରାମରେ ଶ୍ରୀ ସତ୍ୟସାଇ ବାବାଙ୍କ ୯୯ ତମ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି। ମାଣିତରା ଗ୍ରାମର ଶ୍ରୀ ସତ୍ୟସାଇ ସେବା ସଙ୍ଗଠନ ପକ୍ଷରୁ ଶ୍ରୀ ସତ୍ୟସାଇ ବାବାଙ୍କ ୯୯ ତମ ଜନ୍ମ ବାର୍ଷିକୀ ଉପଲକ୍ଷେ ଏକ ସୁସଜ୍ଜିତ ରଥରେ ବାବାଙ୍କ ତୈଳଚିତ୍ର ରଖି ନଗର ପରିକ୍ରମା , ଷୋଡଶ ଉପାଚରରେ ପୂଜା, ହୋମ, ନାରାୟଣ ସେବା ଓ ପ୍ରସାଦ ସେବନ ଅନୁଷ୍ଠିତ ହୋଇଥିଲା। ସଂଗଠନ ପକ୍ଷରୁ ଆବାହକ ଦିବାକର ସାମନ୍ତରାୟଙ୍କ ତତ୍ତ୍ୱାବଧାନରେ ନୀଳାଚଳ ପ୍ରଧାନ, ପିତାମ୍ବର ରାଉତ, ଉତ୍ତମ ପ୍ରଧାନ, ପିତାମ୍ବର ପଣ୍ଡା, ବିନୋଦ କୁମାର ପ୍ରଧାନଙ୍କ ସମେତ ଶ୍ରୀ ସତ୍ୟସାଇ ସେବା ସଂଗଠନର ସମସ୍ତ ସଦସ୍ୟ ଓ ସଦସ୍ୟା ଏହି କାର୍ଯ୍ୟକ୍ରମରେ ସହଯୋଗ କରିଥିଲେ। ଏଥିସହ ଭଜନ କାର୍ଯ୍ୟକ୍ରମ ସହ ବସ୍ତ୍ର ଶୀତ ବସ୍ତ୍ର ପ୍ରଦାନ କରାଯାଇଥିଲା। ବହୁ ସାଇପ୍ରେମୀ ଶ୍ରଦ୍ଧାଳୁ ଏହି କାର୍ଯ୍ୟକ୍ରମରେ ଯୋଗଦେଇଥିଲେ।