ଲିଙ୍କ୍ ନଥିବାରୁ ୪୨ ମୌଜାର ବେଣ୍ଟକାର ଉପ ଡାକଘର ଅଚଳ

କଟକ, (ଯୁଗାବ୍ଦ ନ୍ୟୁଜ):୪୨ମୌଜା ବେଣ୍ଟକାର ଉପ ଡାକଘର ଅଧୀନରେ ପାଞ୍ଚ ଗୋଟି ଶାଖା ଡାକଘର କାର୍ଯ୍ୟ କରିଥାଏ । ୪୨ମୌଜାରେ ଥିବା ୬ଗୋଟି ଗ୍ରାମ ପଞ୍ଚାୟତର ଅଧିବାସୀ ବିଶେଷ ଭାବେ ବେଣ୍ଟକର ଉପ ଡାକଘର ଉପରେ ନିର୍ଭର କରିଥାନ୍ତି । ଗତ ଦୁଇ ଦିନ ହେବ ଡାକଘରେ ଲିଙ୍କ୍ ନଥିବାରୁ ଡାକଘର ଉପରେ ନିର୍ଭର କରୁଥିବା ଅଞ୍ଚଳବାସୀ ଦିନସାରା ଅପେକ୍ଷା କରି ଫେରୁଛନ୍ତି । ଲିଙ୍କ୍ ନଥିବାରୁ ସଞ୍ଚୟ ଜମା ଓ ଉଠାଣ, ସ୍ପିଡ୍ ପୋଷ୍ଟ ଓ ରେଜିଷ୍ଟ୍ରି ଚିଠି ପତ୍ର, ମନି ଅର୍ଡର୍ ଓ ପାର୍ସଲ୍, ଦରମା ଏବଂ ପେନସନ ପେମେଣ୍ଟ ଇତ୍ୟାଦି କାର୍ଯ୍ୟ ସମ୍ପୂର୍ଣ୍ଣ ବନ୍ଦ ରହିଛି। କଟକ ସିଟି ଡିଭିଜନର ବିଭାଗୀୟ ଅଧିକାରୀ ସିନିୟର୍ ସୁପରିନ୍ଟେଣ୍ଡେଣ୍ଟ୍ ଉପରୋକ୍ତ ଲିଙ୍କ୍ ଫେଲ୍ ବିଷୟକୁ ଗୁରୁତର ସହ ବିଚାରକୁ ନେଇ ଏହାର ବିହୀତ ପ୍ରତିକାର କଲେ ୪୨ମୌଜା ଅଧିବାସୀ ବିଶେଷ ଉପକୃତ ହେବେ ବୋଲି ୪୨ମୌଜା ବିକାଶ ପରିଷଦର ଉପଦେଷ୍ଟା ତଥା ୪୨ମୌଜା ଯାଦବ ମହାସଭା ସଭାପତି ବୁଲେଇ ବେହେରା ପ୍ରେସ ବିବୃତିରେ ଜଣାଇଛନ୍ତି ।