ଶିକ୍ଷାବିତ୍ ଲୋକନାଥ ରାୟଙ୍କ ପ୍ରଥମ ଶ୍ରାଦ୍ଧବାର୍ଷିକରେ ସ୍ମରଣିକା ଉନ୍ମୋଚନ

ନାଉଗାଁ, (ଯୁଗାବ୍ଦ ନ୍ୟୁଜ):ନାଉଗାଁ ସାଧୂଗୋସ୍ୱାମୀଙ୍କ ପୀଠରେ ବିଶିଷ୍ଟ ଶିକ୍ଷାବିତ୍ ତଥା ସମାଜସେବୀ ଲୋକନାଥ ରାୟଙ୍କ ପ୍ରଥମ ଶ୍ରାଦ୍ଧବାର୍ଷିକ ଅବସରରେ ଏକ ସ୍ମୃତିସଭା ଅନୁଷ୍ଠିତ ହୋଇଯାଇଛି । ଏହି ସ୍ମୃତିସଭାରେ ଆଡଭୋକେଟ ତଥା ସାହିତ୍ୟିକ ଦୁଃଖିଶ୍ୟାମ ଦାସ ସଭାପତିତ୍ୱ କରିଥିବା ବେଳେ ଅତିଥିଭାବେ ରବିନ୍ଦ୍ରନାଥ ପଟ୍ଟନାୟକ, ପୂର୍ବତନ ବିଧାୟକ ଜ୍ୟୋତିଷ ଚନ୍ଦ୍ର ଦାସ, ଡାକ୍ତର ରାଖଲ ରାୟ, ପଂଚାୟତ ସମିତି ପୂର୍ବତନ ଅଧ୍ୟକ୍ଷ ଜଗନ୍ନାଥ ଦାସ, ପ୍ରକାସ ରାୟ, ଲଲାଟେନ୍ଦୁ ନାୟକ,ସଚ୍ଚିଦାନନ୍ଦ ପରିଡା ପ୍ରମୁଖ ଯୋଗ ଦେଇ ସ୍ୱର୍ଗତ ରାୟଙ୍କ ସ୍ମୃତିଚାରଣ କରିବା ସହିତ ସ୍ୱର୍ଗତ ରାୟ ଜଣେ ସମଦର୍ଶୀ ମଣିଷ ଭାବରେ ସାମାଜିକ ଜୀବନରେ ସଭିଁଙ୍କର ପ୍ରିୟପାତ୍ର ଥିଲେ । ସଂସ୍କୃତ ଭାଷା ସାହିତ୍ୟରେ ତାଙ୍କର ଅଗାଧ୍ୟ ପାଣ୍ଡିତ୍ୟ ଥିବା ଅତିଥିମାନେ ମତବ୍ୟକ୍ତ କରିଥିଲେ । ଏହି ଅବସରରେ ଅତିଥିମାନଙ୍କ ଦ୍ୱାରା ସ୍ୱର୍ଗତ ରାୟଙ୍କ ଉଦ୍ଦେଶ୍ୟରେ ଏକ ସ୍ମରଣିକା ଉନ୍ମୋଚନ କରାଯାଇଥିଲା । ବଡ ପୁଅ ଲଲାଟେନ୍ଦୁ ଅତିଥି ପରିଚୟ କରିଥିବା ବେଳେ ଲଜପତ ରାୟ ଧନ୍ୟବାଦ ଅର୍ପଣ କରିଥିଲେ ।