ଶୁଭ ଯାତ୍ରା

ଜଗନ୍ନାଥ ଜଗନ୍ନାଥ
ନାମ ଗାଇ ଗାଇ,
ବାହାରିଲି ଶ୍ରୀକ୍ଷେତ୍ରକୁ
ଦରଶନ ପାଇଁ ।

ସାଥେଛନ୍ତି ଭାଇବନ୍ଧୁ
ସାରା ପରିବାର,
ଯାତ୍ରା ପଥେ ଯେତେ ବାଧା
କରିଦେବ ଦୂର ।

ଯାହା ଶୁଣିଛି ଦେଖିଛି
ଛାତି ମୋ ଥରିଛି
ବର୍ଣ୍ଣିବାକୁ ସେହି ଦୃଶ୍ଯ
ଭାଷା ନପାଉଛି ।

ତଥାପି ନିର୍ଭୟେ ଆମେ
ତୋ ପାସେ ଯାଉଛୁ,
ଆମ ଇଛା ତୁମ ଇଛା
ମଙ୍ଗଳ ଭାବୁଛୁ ।

ତୁମ ଇଛା ପରେ ଆଉ
କାହା ଇଛା ଅଛି
ସବୁ ଜାଣି ସାରି ଆମ
ମନେ ଇଛା କିଛି ।

ଏଣୁ ଇଛାକରୁ ଆମ
ଯାତ୍ରାକର ଶୁଭ
ତୋ ଦର୍ଶନ ପାଇ ଆମେ
ଲଭିବୁ ସୌଭାଗ୍ଯ ।

ଗଦାଧର ସାହୁ,କଙ୍କଡ଼ାଦ୍ଵୀପ
ବ୍ରହ୍ମଗିରି,ପୁରୀ