ସଡ଼କ ଦୁର୍ଘଟଣାରେ ସେଞ୍ଚୁରିଆନ ବିଟେକ ଛାତ୍ର ମୃତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ପାରଳାଖେମୁଣ୍ଡି ସହର ଉପକଣ୍ଠରେ ଥିବା ସେଞ୍ଚୁରିଆନ ବିଶ୍ୱ ବିଦ୍ୟାଳୟର ଜଣେ ଛାତ୍ର ଗତକାଲି ଅପରାହ୍ଣରେ ଗୋଷାଣି ବ୍ଳକ୍ ଗୁରାଣ୍ଡି ଥାନା ଅଧୀନସ୍ଥ ପାଟିକୋଟା ଗ୍ରାମ ନିକଟରେ ଦୁର୍ଘଟଣାରେ ଜଣେ ଛାତ୍ରଙ୍କ ଜୀବନ ଚାଲିଯାଇଥିବାବେଳେ ଅନ୍ୟ ଜଣେ ଛାତ୍ର ଗୁରୁତର ହୋଇଛନ୍ତି. ମୃତ ଛାତ୍ର ଜଣକ ହେଲେ, ସିୟୁଟିଏମର ବିଟେକ୍ ଛାତ୍ର ଏ. ଶୋହିତ(୧୯)। ଶୋହିତ ଆନ୍ଧ୍ରପ୍ରଦେଶ ଶ୍ରୀକାକୁଲମ ଜିଲ୍ଲା ପୁରୁଣାପାଟଣା ସହରର ବାସିନ୍ଦା । ସେଞ୍ଚୁରିଅନ୍ ବିଶ୍ବବିଦ୍ୟାଳୟରେ ବିଟେକ୍ ଅଧ୍ୟୟନ କରୁଥିଲେ। କ୍ଲାସ୍ ସରିବା ପରେ ବନ୍ଧୁଙ୍କ ସହ ନିଜ ମୋଟର ସାଇକେଲ (ଏପି- ୩୯ – ଆର କେ-୦୬୧୪) ରେ ଯାଉଥିବା ବେଳେ ଏକ ବୁଲାଣିଆ ରାସ୍ତା ନିକଟରେ ଭାରସାମ୍ୟ ହରାଇ ପାର୍ଶ୍ଵରେ ଥିବା ଧାନ କିଆରି ଭିତରକୁ ଖସି ପଡ଼ିଥିଲା. ଘଟଣାସ୍ଥଳରୁ ତାଙ୍କୁ ଗୁରୁତର ଆହତ ଅବସ୍ଥାରେ ଉଦ୍ଧାର କରାଯାଇ ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା. ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ.ଏ ନେଇ ଗୁର ଗୁରାଣ୍ଡି ଥାନାରେ କେସ୍ ନମ୍ବର ୧୦୦/୨୪ ରେ ଏକ ମକଦ୍ଦମା ରୁଜୁ କରାଯାଇ ତଦନ୍ତ ଜାରି ରହିଛି. ଗୁରୁତର ଅନ୍ୟ ଜଣେ ଛାତ୍ର ଚିକିତ୍ସାଧୀନ ଥିବା ଜଣା ଯାଇଛି.