ସରସ୍ବତୀ ଶିଶୁ ବିଦ୍ୟାମନ୍ଦିର ରେ ବାର୍ଷିକ କ୍ରୀଡ଼ା ଉତ୍ସବ

ଆରଡି, (ଆଲୋକ ଚନ୍ଦ୍ର ନାୟକ):ଭଦ୍ରକ ଜିଲ୍ଲା ଧାମନଗର ବ୍ଲକ ଅଧୀନ ଅସୁରାଳି ଶ୍ରୀ ବୈରାଗୀ ସରସ୍ବତୀ ଶିଶୁ ବିଦ୍ୟା ମନ୍ଦିର ବାର୍ଷିକ କ୍ରୀଡ଼ା ଉତ୍ସବ ଆରମ୍ଭ ହୋଇଛି। ଏହା ଦୁଇ ଦିନ ଧରି ଗଢିଆଳି ପଞ୍ଚାୟତ ଗଢିଆଳି ପଡିଆ ଠାରେ ଅନୁଷ୍ଠିତ ହେଉଅଛି। ଉଦ୍ଘାଟନ ଦିବସରେ ଧାମନଗର ବ୍ଲକ ଓଷ୍ଟା ସଂଘର ସମ୍ପାଦକ ହେମନ୍ତ କୁମାର ସୁତାର ମୁଖ୍ୟ ଅତିଥି, ଅସୁରାଳି କ୍ଲଷ୍ଟର ସିଆରସିସି ସଞ୍ଜୟ କୁମାର ଜେନା ମୁଖ୍ୟବକ୍ତା ଭାବେ ଯୋଗ ଦେଇଥିଲେ। ଅସୁରାଳି ପଞ୍ଚାୟତର ସରପଞ୍ଚ ମିନତୀ ସାହୁ ଓ ଗଢ଼ିଆଳୀ ପଞ୍ଚାୟତ ର ସରପଞ୍ଚ ସରୋଜ କୁମାର ସ୍ବାଇଁ, ବିଦ୍ୟାଳୟର ମୁଖ୍ୟ ଉପଦେଷ୍ଟା ତଥା ପ୍ରାଣ ପ୍ରତିଷ୍ଠାତା ଉତ୍କଳ ଭୂଷଣ ନାୟକ ସମ୍ମାନିତ ଅତିଥି ଭାବେ ଯୋଗ ଦେଇ କ୍ରୀଡା ଉତ୍ସବ ସମ୍ପର୍କରେ ଗୁରୁତ୍ବ ଆରୋପ କରିଥିଲେ । ନିତ୍ୟାନନ୍ଦ ପତି ସ୍ବାଗତ ଭାଷଣ, ଆଚାର୍ଯ୍ୟ ପୁରୋଷୋତ୍ତମ ପରିଡା ଅତିଥି ପରିଚୟ ଓ ସହ ପ୍ରଧାନ ଆଚାର୍ଯ୍ୟ କାମିନୀ ଲତା ବେହେରା ମଞ୍ଚ ପରିଚାଳନା କରିଥିଲେ। କ୍ରୀଡ଼ା ପ୍ରମୁଖ ପ୍ରଦୀପ କୁମାର ରାଉତ ଓ ଅନ୍ୟ ଗୁରୁଜୀ ଓ ଗୁରୁମା କ୍ରୀଡ଼ା ପରିଚାଳନା ରେ ଭାଗ ନେଇ ଥିଲେ। ବିଦ୍ୟାଳୟ ର ସମ୍ପାଦକ ଦୀପକ କୁମାର ସାହୁ, କୋଷାଧ୍ୟକ୍ଷ ସୁକାନ୍ତ କୁମାର ଦାସ, ସହ ସମ୍ପାଦକ ପ୍ରତାପ କୁମାର ସାହୁ, ସଦସ୍ୟା ସୁଜାତା ସାହୁ ଯୋଗ ଦେଇ ସହଯୋଗ କରିଥିଲେ। ସଙ୍କୁଳ ପ୍ରମୁଖ ପୂର୍ବତନ ସମ୍ପାଦକ ସନ୍ତୋଷ କୁମାର ସାହୁ ଯୋଗ ଦେଇଥିଲେ। ଶିଶୁ ଭଉଣୀ ମାନଙ୍କ ଦ୍ଵାରା ସ୍ବାଗତ ସଙ୍ଗୀତ ଓ ଏକକ ସଙ୍ଗୀତ ପରିବେଷଣ କରା ଯାଇଥିଲା। ଦଶମ ଶ୍ରେଣୀ ର ଛାତ୍ର ଋତୁରାଜ ସାହୁ ଜ୍ୟୋତି ପ୍ରଜ୍ଜ୍ଵଳିତ କରିଥିଲେ। ବ୍ୟାୟାମ, ଯୋଗ, ପିରାମିଡ୍, ଡମ୍ବେଲ, ୟୋଗ୍ ଚାପ୍ ଆଦି ପ୍ରଦର୍ଶନୀ ହେଇଥିଲା। ୧୦୦ ମିଟର ଦୌଡ,୨୦୦ ମିଟର ଦୌଡ, ସ୍ମରଣ ଶକ୍ତି ଦୌଡ, ଗୋଲି ଚାମଚ୍, ରଙ୍ଗ ଚିହ୍ନଟ, ଗଣିତ ଦୌଡ, ଗୋଳା ଫିଙ୍ଗା, ଥାଳି ଅଫିଙ୍ଗା, ବେଙ୍ଗ ଡ଼ିଆଁ ଆଦି ଖେଳ ପ୍ରତିଯୋଗିତା ହୋଇଥିଲା। ସଭାପତି ସତ୍ୟସୁନ୍ଦର ପାଢି ଅତିଥି ଙ୍କୁ ଧନ୍ୟବାଦ୍ ଅର୍ପଣ କରିଥିଲେ।