ସିଦ୍ଧେଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟ ପରିଦର୍ଶନ କରି ସମସ୍ୟା ବୁଝିଲେ ବିଧାୟକ
ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ପଢିଆରିପଲ୍ଲୀ ପଞ୍ଚାୟତ କାହାଳିଆଗଡିଆ ସ୍ଥିତ ସିଦ୍ଧେଶ୍ୱର ଉଚ୍ଚ ପ୍ରାଥମିକ ବିଦ୍ୟାଳୟ ପରିଦର୍ଶନ କରି ସ୍କୁଲର ବିଭିନ୍ନ ସମସ୍ୟା ବୁଝିଛନ୍ତି ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ। ଆଜି ଉକ୍ତ ଗ୍ରାମରେ ଏକ ମନ୍ଦିର ପ୍ରତିଷ୍ଠା ଉତ୍ସବକୁ ବିଧାୟକ ଯାଇଥିବା ବେଳେ ଗ୍ରାମବାସୀ ମାନେ ବିଦ୍ୟାଳୟ ସମସ୍ୟା ନେଇ ଦୃଷ୍ଟି ଆକର୍ଷଣ କରିଥିଲେ। ବିଧାୟକ ଶ୍ରୀ ସେଠୀ ଉତ୍କ ସ୍କୁଲକୁ ଯାଇ ସ୍କୁଲର ଦୁଇଟି ଗୃହ ମଧ୍ୟରୁ ଗୋଟିଏ ସମ୍ପୁର୍ଣ୍ଣ ଭାଙ୍ଗି ବିପଦ ସଂକୁଳ ହୋଇପଡିଥିବା ଦେଇଥିଲେ। ଗୋଟିଏ ଶ୍ରେଣୀ ଗୃହରେ ଶିକ୍ଷାଦାନ, ଅଫିସ କାର୍ଯ୍ୟାଳୟ ଚାଲୁ ଥିବାରୁ ଆଉ ଏକ ଶ୍ରେଣୀଗୃହ ନିର୍ମାଣର ଆବଶ୍ୟକତା ଜରୁରୀ ବୋଲି ବିଧାୟକ ଅନୁଭବ କରିବା ସହିତ ବିଧାୟକଙ୍କ ହାତ ପାଣ୍ଠିରୁ ଶ୍ରେଣୀଗୃହ ନିର୍ମାଣ ପାଇଁ ପ୍ରତିଶୃତି ଦେଇଥିଲେ। ପରେ ପୂର୍ବତନ ବ୍ଲକ ଶିକ୍ଷା ଅଧିକାରୀ ସୁରଥ ଚ଼ନ୍ଦ୍ର ସାହୁ, ଶିକ୍ଷାବିତ ଅଲେଖ ବେହେରା, ସୁଦର୍ଶନ ପାଣିଗ୍ରାହୀ, ସନ୍ତାଷ ସାହୁ, ପ୍ରଶାନ୍ତ ତ୍ରିପାଠୀ, ବଳରାମ ସାହୁ, ପୁରସ୍ତମ ସାହୁ, ସୁକୁମାର ସାହୁ ପ୍ରମୁଖ ଗ୍ରାମବାସୀଙ୍କ ସହିତ ସ୍କୁଲ ଓ ଗ୍ରାମର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରି ସମାଧାନ ନିମନ୍ତେ ପ୍ରତିଶୃତି ଦେଇଥିଲେ।
