ସୀତାଂଶୁ ଶେଖର ମାନ୍ଧାତା ବୁଗୁଡାର ନୂତନ ପୋଲିସ ଆଇଆଇସି

ବୁଗୁଡା, (ଅନିଲ କୁମାର ମହାରଣା):ଗଞ୍ଜାମ ପୋଲିସ ଜିଲ୍ଲା ଅନ୍ତର୍ଗତ ବୁଗୁଡା ପୋଲିସ ଥାନାର ନୂତନ ଆଇଆଇସି ଭାବେ ସୀତାଂଶୁ ଶେଖର ମାନ୍ଧାତା ନଭେମ୍ବର ୨୧ ତାରିଖ ଦିନ ଦାୟିତ୍ୱ ଗ୍ରହଣ କରିଛନ୍ତି। ଏଠାରେ ଦାୟିତ୍ୱ ଗ୍ରହଣ ପୂର୍ବରୁ ଆଇଆଇସି ଶ୍ରୀ ମାନ୍ଧାତା ଛତ୍ରପୁର ପୋଲିସ ହେଡକ୍ୱାଟରରେ ଅବସ୍ଥାପିତ ଥିଲେ। ବୁଗୁଡା ପୋଲିସ ଥାନାର ପୂର୍ବତନ ଆଇଆଇସି ପ୍ରଭାତ ରଞ୍ଜନ ମହାନ୍ତଙ୍କୁ କବିସୂର୍ଯ୍ୟନଗର ପୋଲିସ ଥାନଙ୍କୁ ବଦଳି ହୋଇଅଛି। ଆଇଆଇସି ଶ୍ରୀ ମାନ୍ଧାତା କାର୍ଯ୍ୟଭାର ଗ୍ରହଣ କରିବା ପରେ ବୁଗୁଡା ଥାନାର କର୍ମଚାରୀ ବୃନ୍ଦ ଓ ବିଭିନ୍ନ ସଂଗଠନ ଓ ବ୍ୟକ୍ତି ବିଶେଷଙ୍କ ପକ୍ଷରୁ ସମ୍ବର୍ଦ୍ଧନା ପ୍ରଦାନ କରିଛନ୍ତି। ବୁଗୁଡ଼ ସହରର ଟ୍ରାଫିକ ସମସ୍ୟା ଓ ଥାନା ଅଞ୍ଚଳରେ ଆଇନ ଶୃଙ୍ଖଳା ପରିସ୍ଥିତି ଉପରେ ଗୁରୁତ୍ୱ ପ୍ରଦାନ କରିବେ ବୋଲି ସେ ପ୍ରକାଶ କରିଛନ୍ତି।