ସୁଧାଶୁଂକୁ ପ୍ରଜନ୍ମ ନାଟକ ସମ୍ମାନ

ବନ୍ତ, (ଚାନ୍ଦିନୀ ମହାନ୍ତି):ଭୁବନେଶ୍ୱରର ଗୀତ ଗୋବିନ୍ଦ ସଦନ ପରିସରରେ ପ୍ରଜନ୍ମ ସାହିତ୍ୟ ସମ୍ମାନ ଉତ୍ସବ-୨୦୨୪ ପାଳିତ ହୋଇଯାଇଛି । ଖୁସି ପବ୍ଲିକେସନ ଆନୁକୁଲ୍ୟରେ ଅନୁଷ୍ଠିତ ଉତ୍ସବରେ ନାଟ୍ୟକାର ଆନନ୍ଦ ଚନ୍ଦ୍ର ପହି, ସାହିତ୍ୟିକ ବସନ୍ତ କୁମାର ପଣ୍ଡା ପ୍ରମୁଖ ଅତିଥି ଭାବେ ଯୋଗ ଦେଇ ସାହିତ୍ୟ ଯୁଗେ ଯୁଗେ ବଞ୍ଚି ରହିଛି । ଏଥିସହ ସାହିତ୍ୟକୁ ବଞ୍ଚାଇ ରଖିବାକୁ ହେଲେ ପାଠକ ସଂଖ୍ୟା ବୃଦ୍ଧି କରିବାକୁ ମତ ବ୍ୟକ୍ତ କରିଥିଲେ । ଏହି ଅବସରରେ ଭଦ୍ରକ ଜିଲା ବନ୍ତ ଅଞ୍ଚଳର ବିଶିଷ୍ଟ ନାଟ୍ୟକାର, ଶିକ୍ଷାବିତ୍ ତଥା ରାଜନେତା ଡଃ. ସୁଧାଶୁଂ ଶେଖର ନାୟକଙ୍କୁ ପ୍ରଜନ୍ମ ନାଟକ ସମ୍ମାନ-୨୦୨୪ ପ୍ରଦାନ କରାଯାଇଥିଲା । ସଂସ୍ଥାର ସଭାପତି ଡଃ. ଦେବାନନ୍ଦ ଦାସ ମଞ୍ଚ ପରିଚାଳନା କରିଥିଲେ । ପ୍ରକାଶ ଯେ, ଡଃ. ନାୟକ ଜଲିଉଡ୍ ଜଗତରେ ଜଣେ ସୁନାମଧନ୍ୟ ନାଟ୍ୟକାର ହୋଇଥିବା ବେଳେ ଓଡିଶାର ଅଗ୍ରଣୀ ଯାତ୍ରା ପାର୍ଟିକୁ ସେ ଏକାଧିକ ନାଟକ ଭେଟି ଦେଇଛନ୍ତି ।