ସୁବର୍ଣ୍ଣ ଜୟନ୍ତୀ ପାଳନ ପ୍ରସ୍ତୁତି ବୈଠକ
ଭଞ୍ଜନଗର,(ସନ୍ତୋଷ କୁମାର ଜେନା):ଗଞ୍ଜାମ ଜିଲ୍ଲାର ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟ ଆଉ କିଛି ଦିନ ପରେ ସୁବର୍ଣ୍ଣ ଜୟନ୍ତୀ ଉତ୍ସବ ପାଳନ କରିବ । ତେଣୁ ସ୍ଥାନୀୟ ବିଧାୟକ ପ୍ରଦ୍ୟୁମ୍ନ କୁମାର ନାୟକ ଙ୍କ ଅଧ୍ୟକ୍ଷତାରେ ଆଜି ଏକ ପ୍ରସ୍ତୁତି ବୈଠକ ହୋଇଥିଲା। ସୁବର୍ଣ୍ଣ ଜୟନ୍ତୀ ଉତ୍ସବ କୁ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଙ୍କୁ ଅତିଥି ଭାବେ ନିମନ୍ତ୍ରଣ କରାଯିବ । ଉତ୍ସବଟିକୁ ରାଜନୀତିରୁ ଉର୍ଦ୍ଧରେ ରହି ପାଳନ କରିବା। ୩ ଦିନ ଧରି ହେବାକୁ ଥିବା ଉତ୍ସଵର ବିଭିନ୍ନ ଦିବସରେ ସମସ୍ତ ରାଜନୀତି ଦଳର ନେତାଙ୍କୁ ଅତିଥି ଭାବେ ନିମନ୍ତ୍ରଣ କରାଯିବ। ତେଣୁ ଉତ୍ସବକୁ ସଫଳ କରିବା ପାଇଁ ଉପସ୍ଥିତ ସମସ୍ତ ପୁର୍ବତନ ଛାତ୍ର ନେତା ମାନଙ୍କ ସହଯୋଗ କାମନା କରିଥିଲେ ବିଧାୟକ ଶ୍ରୀ ନାୟକ। ବୈଠକରେ ଅନ୍ୟ ମାନକ ମଧ୍ୟରେ ଏନ୍ ଏ ସି ଅଧକ୍ଷ ଗୋପବନ୍ଧୁ ମହାପାତ୍ର, କଲେଜ ପରିଚାଳନା କମିଟି ସଭାପତି ରାଜେନ୍ଦ୍ର ପ୍ରସାଦ ପ୍ରଧାନ, କଲେଜ ଅଧ୍ୟକ୍ଷ ରାଜେନ୍ଦ୍ର କୁମାର ଦାସ, ପୂର୍ବତନ ଛାତ୍ର ନେତା ପ୍ରଶାନ୍ତ ମହାନ୍ତି, ଫିରୋଜ୍ ମହାପାତ୍ର, ଉପେନ୍ଦ୍ର ଶତପଥି, ପଞ୍ଚାନନ ପାଳ, ଦିଲିପ ଗୌଡ, ଦେବୀ ବିଷୋୟୀ, ମୁରଲୀ ପଣ୍ଡା, ହେମନ୍ତ କୁମାର ନାୟକ, ସମିର ନାୟକ, ସୁଧୀର ଦାସ ପ୍ରମୁଖ ଯୋଗଦେଇ ଆଲୋଚନାରେ ଭାଗ ନେଇଥିଲେ। ସନ୍ତୋଷ ବେହେରା ସଭାକୁ ସଂଯୋଜନା କରିଥିଲେ।
