ସୋଲୋ ସିନିୟର ଓ ଦୁଏଟ ଡ୍ୟାନ୍ସରେ ଦୁଲୁକିଲା ମଞ୍ଚ

ବାରିପଦା,(ମୁରାରୀ ମୋହନ ମହାପାତ୍ର): ଭଂଜପୁର ଜଗଦ୍ଧାତ୍ରୀ ମେଳା ପଡିଆରେ ଅନୁଷ୍ଠିତ ଜଗଦ୍ଧାତ୍ରୀ ମେଳାର ଷଷ୍ଠ ସନ୍ଧ୍ୟାରେ ସିନିୟର ସୋଲୋ ଓ ଡୁଏଟ ଡ୍ୟାନ୍ସ ପ୍ରତିଯୋଗୀତା ମଞ୍ଚକୁ ଦୁଲୁକୁବା ସହ ଦର୍ଶକଙ୍କୁ ନଚେଇଲା I ବିଚାରକ ଭାବେ ଜାତୀୟ ସ୍ତରୀୟ ନୃତ୍ୟ ନିର୍ଦ୍ଦେଶକ ଅନିଲ ସାଗର, ରିଚା ବାରିକ ଓ ମେଘା ସାହା ଯୋଗ ଦେବା ସହ ନିଜର ଡ୍ୟାନ୍ସ ମାଧ୍ୟମରେ ଦର୍ଶକଙ୍କୁ ବିମୋହିତ କରିଥିଲେ I ଏହି ପ୍ରତିଯୋଗିତାରେ ୮୦ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ ବୋଲି ସାଂସ୍କୃତିକ ସମ୍ପାଦକ ପ୍ରିତମ ପଣ୍ଡା ଓ ପ୍ରସନ୍ନଜିତ ମହାନ୍ତି ଜଣାଇଛନ୍ତି I ସୋମନାଥ ସିଂହ କାର୍ଯ୍ୟକ୍ରମର ସଂଯୋଜନା କରିଥିବା ବେଳେ ସ୍ନେହାଶ୍ରୀ ସାଲୋନୀ ସିଂହ, ଆଞ୍ଚଳ ପଣ୍ଡା ଓ ଅଭିଲିପ୍ସା ଦାସ ମଞ୍ଚ ପରିଚାଳନା କରିଥିଲେ I ଆସନ୍ତା କାଲି ଟେପ ଦି ଫିଟ ଡ୍ୟାନ୍ସ ଏକାଡେମୀ, ଶାନ୍ତି ଡ୍ୟାନ୍ସ ଗ୍ରୁପ ଓ ମାରିସାର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ସାଂସ୍କୃତିକ ସମ୍ପାଦକ ମାନସ ମହାନ୍ତି ଜଣାଇଛନ୍ତି I