ସ୍ତ୍ରୀଙ୍କୁ ହତ୍ୟା ଉଦ୍ୟମ ଅଭିଯୋଗ ଅଭିଯୁକ୍ତ ସ୍ବାମୀ ଫେରାର

ଦିଗପହଣ୍ଡି,(ଅଳକ ନାଥ ମିଶ୍ର):ଦିଗପହଣ୍ଡି ଥାନା ମହୁଡା ନରସିଂହପୁର ଗ୍ରାମର ଏସ.ବେଦମୋତି ଦୋରାଙ୍କୁ ତାଙ୍କ ସ୍ଵାମୀ ଏସ.ଦୀନବନ୍ଧୁ ଦୋରା ତଣ୍ଟିଚିପି ହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି।ଏନେଇ ବେଦମୋତି ଦିଗପହଣ୍ଡି ଥାନାରେ ଏତଲା ଦେଇଛନ୍ତି । ଏତଲାକୁ ଭିତ୍ତିକରି ଆଇଆଇସି ପ୍ରଶାନ୍ତ କୁମାର ପାତ୍ର ଅଭିଯୁକ୍ତ ଦୀନବନ୍ଧୁ  ବିରୋଧରେ ମକଦ୍ଦମା ରୁଜୁ କରିଛନ୍ତି।ଗିରଫ ଭୟରେ ଅଭିଯୁକ୍ତ ଗାଁରୁ ଫେରାର ହୋଇଯାଇଛନ୍ତି।ଗତ ଗୁରୁବାର ରାତି ପ୍ରାୟ ୧୨ ଟାରେ ଦୀନବନ୍ଧୁ ଦିଗପହଣ୍ଡିରୁ ଫେରିଥିଲା। ସ୍ତ୍ରୀ ବେଦମୋତି ଘରେ ଶୋଇଥିବା ବେଳେ ସେ ତାଙ୍କ ତଣ୍ଟିଚିପି ଜୀବନରେ ମାରିଦେବାକୁ ଉଦ୍ୟମ କରିଥିଲା। ସେ ପାଟି କରିବାରୁ ଶାଶୁ ଏବଂ ସାହି ପଡୋଶୀ ଆସି ଛଡ଼ା ଛଡ଼ି କରିବା ବେଳେ ତାଙ୍କ ବାମ ଆଖି କୁ ମୁଥ ମୁଥ ମାରିବାରୁ ଆଖିକୁ ଭୀଷଣ ଆଘାତ ଲାଗିଛି।ପରେ ତାଙ୍କୁ ନିସ୍ତୁକ ମାଡ଼ ମାରି ଘରୁ ତଡ଼ି ଦେବାରୁ ସେ ମା ଘରକୁ ପଳାଇଥିଲେ।ଶୁକ୍ରବାର ସକାଳ ପ୍ରାୟ ୯ ଟାରେ ବେଦୋମତି ତାଙ୍କ ବ୍ୟବହୃତ ଲୁଗାପଟା  ଆଣିବାକୁ ଶାଶୁ ଘରକୁ ଯାଇଥିବା ବେଳେ ସ୍ବାମୀ ପୁଣିଥରେ ତାଙ୍କୁ ଘାତକ ଆକ୍ରମଣ କରିବାସହ ତଣ୍ଟି ଧରି ମାଡ଼ି ବସିଥିଲେ।ସ୍ବାମୀ ର କବଳରୁ ଶାଶୁ ତାଙ୍କୁ ଉଦ୍ଧାର କରିଥିଲେ। ୨ ଝିଅ କୁ ନେଇ ସେ ମା ଘରେ ରହୁଥିବା ଏତଲାରେ ଉଲ୍ଲେଖ ରହିଛି।