ସ୍ୱାମୀ ବିବେକାନନ୍ଦ ଶିକ୍ଷାଶ୍ରମରେ ରକ୍ତଦାନ ଶିବିର
ବାରିପଦା,(ମୁରାରୀ ମୋହନ ମହାପାତ୍ର):ବାରିପଦା ସହର ଉପକଣ୍ଠ ଶିରୀଶ ବଣି ଠାରେ ଥିବା ସ୍ୱାମୀ ବିବେକାନନ୍ଦ ଶିକ୍ଷାଶ୍ରମରେ ଏକ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି. ବିଦ୍ୟାଳୟର ଅଧ୍ୟକ୍ଷା ବୀଣାପାଣି ଦାଶ, ସମ୍ପାଦକ ଅଜୟ କୁମାର ମିଶ୍ର, କୋଷାଧ୍ୟକ୍ଷ ସନ୍ଦୀପ ତିୱାରୀ ଅତିଥି ଭାବରେ ଯୋଗ ଦେଇ ଉଦଘାଟନ କରିବା ସହିତ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ. ବାରିପଦା ରକ୍ତ ଭଣ୍ଡାର ପକ୍ଷରୁ ଡା. ସୌମ୍ୟ ରଞ୍ଜନ ନାୟକ, ପଣ୍ଡୁରିକାକ୍ଷ ଦାସ, ସୁକୁଲ ହେମ୍ବ୍ରମ, ସବିତା ରାଣୀ ଶେଜପଡା, ସମ୍ଭୁନାଥ ପଲେଇ ପ୍ରମୁଖ ଯୋଗଦେଇ ମୋଟ ୩୮ୟୁନିଟ ରକ୍ତ ସଂଗ୍ରହ କରିଥିଲେ. ସଂଯୋଜକ ଶିବ ଶଙ୍କର ପଣ୍ଡାଙ୍କ ସଂଯୋଜନା ରେ ଅନୁଷ୍ଠିତ ଶିବିର ରେ ବିଦ୍ୟାଳୟର ଉପାଧ୍ୟକ୍ଷ ସନ୍ଦୀପ କୁମାର ବେହେରା ଶିକ୍ଷୟିତ୍ରୀ ସୁସ୍ମିତା ବେହେରା ପ୍ରମୁଖ ପରିଚାଳନାରେ ସହଯୋଗ କରିଥିଲେ. ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ ଏବଂ ଅଭିଭାବକ ମାନେ ସ୍ବେଛାକୃତ ଭାବେ ରକ୍ତଦାନ କରିଥିବା ବେଳେ, ସମସ୍ତ ରକ୍ତଦାତା ଙ୍କୁ ରେଡ଼କ୍ରସ ତରଫରୁ ପ୍ରମାଣପତ୍ର ପ୍ରଦାନ କରାଯାଇଥିଲା.
