ହନୁ କାମୁଡାରେ ଦୁଇ ବୃଦ୍ଧ ଗୁରୁତର

ଚିକିଟୀ, (ପୁଷ୍ପାଞ୍ଜଳି ମିଶ୍ର): ଚିକିଟୀ ବ୍ଲକ ବୀର ସିଂହ ଲଷ୍ମୀ ନାରାୟଣ ପୁର (ସାରୁ ସନ୍ଧିଗାଁ) ଗ୍ରାମରେ ହନୁ ମାଙ୍କଡ ଉପଦ୍ରବ ବୃଦ୍ଧି ପାଇଛି।ହନୁକାମୁଡା ରେ ଦୁଇ ବୃଦ୍ଧ ଗୁରୁତର ହୋଇ ଥିବା ଜଣା ପଡ଼ିଛି।ସେହି ଦୁଇ ଜଣ ହେଉଛନ୍ତି ଭାଲୁ ପ୍ରଧାନ (୬୦) ଓ ଗୁରୁବାରୁ ବେହେରା (୬୨) ବୋଲି ଜଣାପଡିଛି। ସେମାନେ ଧାନ କ୍ଷେତ କୁ ଫସଲ ଦେଖିବାକୁ ଯାଉଥିବା ବେଳେ ଜଣକୁ ଗ୍ରାମର ପ୍ରାର୍ଥମିକ ବିଦ୍ୟାଳୟ ନିକଟରେ ଅନ୍ୟ ଜଣକୁ ହରଚଣ୍ଡୀ ମନ୍ଦିର ନିକଟରେ ଏକ ହନୁ ଆକ୍ରମଣ କରି କାମୁଡି ଦେଇଥିଲା। ଫଳରେ ଉଭୟ ଙ୍କୁ ଗଭୀର ଆଘାତ ଲାଗି ଥିଲା।ସେମାନଙ୍କୁ ହନୁ କାମୁଡିବା ବେଳେ କିଛି ଲୋକ ଜାଣି ପରି ଘଟଣା ସ୍ଥଳ ରେ ପହଞ୍ଚି ଉଦ୍ଧାର କରିଥିଲେ।ପରିବାର ଲୋକେ ତାଙ୍କୁ ଚିକିଟୀ ମେଡିକାଲ ରେ ଚିକିତ୍ସା ଲାଗି ଭର୍ତ୍ତି କରିଥିବା ବେଳେ ଅଧିକ ଚିକିତ୍ସା ପାଇଁ ଡାକ୍ତର ଖାନା ପକ୍ଷରୁ ତାଙ୍କୁ ବ୍ରହ୍ମପୁର ବଡ଼ ମେଡିକାଲ ସ୍ଥାନାନ୍ତର କରିଥିବା ଜଣାପଡିଛି। ଉଭୟ ଗରିବ ପରିବାର ହୋଇଥିବା ବେଳେ ସରକାରୀ ସହାୟତା ଯୋଗାଇ ଦେବାକୁ ଦାବୀ ହୋଇଛି।