ହାଟଡିହିରେ ପଞ୍ଚମ ଶ୍ରେଣୀ ମେଧାବୃତ୍ତି ପରୀକ୍ଷା ଦେଲେ ୩୩୫ ଛାତ୍ରଛାତ୍ରୀ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକରେ ୩ଟି ପରୀକ୍ଷା କେନ୍ଦ୍ରରେ ପଞ୍ଚମ ଶ୍ରେଣୀ ମେଧାବୃତ୍ତି ପରୀକ୍ଷା ଅନୁଷ୍ଠିତ ହୋଇ ଯାଇଛି । ଏଥିରେ ମୋଟ ୩୭୭ ଜଣ ଛାତ୍ରଛାତ୍ରୀ ପରୀକ୍ଷା ଦେବାକୁ ଥିବା ବେଳେ ଦେଲେ ୩୩୫ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି। ହାଟଡିହି ହାଇସ୍କୁଲ୍ ପରୀକ୍ଷା କେନ୍ଦ୍ରରେ ୧୩୩ ଜଣ, ଶାଳଣିଆ ହାଇସ୍କୁଲ୍ ପରୀକ୍ଷା କେନ୍ଦ୍ରରେ ୧୦୨ ଜଣ ଓ ବାଲିବରେଇ ହାଇସ୍କୁଲ୍ ପରୀକ୍ଷା କେନ୍ଦ୍ରରେ ୧୦୦ ଜଣ ପରୀକ୍ଷା ଦେଇଛନ୍ତି।ହାଟଡିହି ପରୀକ୍ଷା କେନ୍ଦ୍ରରେ ପରମାନନ୍ଦ ପରିଡା, ଶାଳଣିଆ ପରୀକ୍ଷା କେନ୍ଦ୍ରରେ ମଦନ ଦ୍ୱିବେଦୀ ଓ ବାଲିବରେଇ ପରୀକ୍ଷା କେନ୍ଦ୍ରରେ ଅପର୍ଣ୍ଣା ବେହେରା ସୁପରିଟେଣ୍ଡଣ୍ଟ ଭାବେ ପରୀକ୍ଷା ପରିଚାଳନା କରିଥିବା ବେଳେ ବ୍ଲକ ସହ ଶିକ୍ଷା ଅଧିକାରୀ ପ୍ରମୋଦ କୁମାର ନାୟକ ପରୀକ୍ଷା କେନ୍ଦ୍ରଗୁଡିକ ପରିଦର୍ଶନ କରି ତଦାରଖ କରିଥିଲେ।