ହାଟଡିହି ପଞ୍ଚାୟତ ସମିତି ପକ୍ଷରୁ ସ୍ୱଚ୍ଛତା କ୍ୟାଲେଣ୍ଡର ଉନ୍ମୋଚିତ ଓ ଗୋଷ୍ଠୀ ଶୌଚାଳୟ ଉଦ୍ଘାଟିତ
ହାଟଡିହି, (ବିକାଶ ବିଶ୍ୱାଳ):ବିଶ୍ଵ ଶୌଚାଳୟ ଦିବସ ଅବସରରେ ହାଟଡିହି ପଞ୍ଚାୟତ ସମିତି ପକ୍ଷରୁ ସ୍ୱଚ୍ଛତା କ୍ୟାଲେଣ୍ଡର ଉନ୍ମୋଚିତ ହୋଇଯାଇଛି। ଏଥିରେ ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ, ବ୍ଲକ ଅଧ୍ୟକ୍ଷା ସାବିତ୍ରୀ ସେଠୀ, ବିଡିଓ ସୌମ୍ୟଶ୍ରୀ ପାଣିଗ୍ରାହୀ ପ୍ରମୁଖ ଯୋଗଦେଇ ଓଡିଶାର ପ୍ରଥମ ସ୍ଵଚ୍ଛତା କ୍ୟାଲେଣ୍ଡର ୨୦୨୫କୁ ଲୋକାର୍ପଣ କରିଥିଲେ। ଏଥିରେ ସମସ୍ତ ସରକାରୀ ଛୁଟି ଓ ଇଛାଧିନ ଛୁଟି ସହ ସ୍ଵଚ୍ଛତା ଓ ପରିମଳ ସମ୍ବଦ୍ଧିତ ଦିବସ ଗୁଡିକ ନାଲି ଓ ସବୁଜ ରଙ୍ଗରେ ଚିହ୍ନିତ କରାଯାଇଛି। ଡିସେମ୍ବର୨୦୨୪ ରୁ ଜାନୁୟାରୀ ୨୦୨୬ ୧୪ ମାସର ଏହି ପଞ୍ଜିକା କ୍ୟାଲେଣ୍ଡରରେ ହାଟଡିହି ପଞ୍ଚାୟତ ସମିତି ରେ ହୋଇଥିବା ସ୍ବଚ୍ଛତା ସମ୍ବନ୍ଧିତ ବିଭିନ୍ନ ପ୍ରକଳ୍ପର ଫଟୋଚିତ୍ର ଓ ସ୍ବଚ୍ଛତା ସ୍ଲୋଗାନ ସ୍ଥାନ ପାଇଛି। ମହାତ୍ମା ଗାନ୍ଧୀଙ୍କୁ ସ୍ଵଚ୍ଛତା ଆଇକନ ଭାବେ ଗ୍ରହଣ କରି ବିଭିନ୍ନ ସୂଚ୍ଛତା ସମ୍ବର୍ଦ୍ଧିତ ବାର୍ତ୍ତା ଦିଆଯାଇ ସଚେତନତା ସୃଷ୍ଟି କରାଯାଇଛି। ଏହି ଅବସରରେ ମଠ କପୁଣ୍ଡି ପଡ଼ିଆରେ ନବ ନିର୍ମିତ ଗୋଷ୍ଠୀ ଶୌଚାଳୟକୁ ମାନ୍ୟବର ବିଧାୟକ ଉଦ୍ଘାଟନ କରିଥିଲେ। ଏଥିରେ ପଞ୍ଚାୟତ ସମିତି କାର୍ଯ୍ୟାଳୟର ବିଭିନ୍ନ ବିଭାଗର ଅଧିକାରୀ ଓ କର୍ମଚାରୀ ମାନେ ଉପସ୍ଥିତ ଥିଲେ।
