ହିଞ୍ଜିଳିକାଟୁରେ ବିଜେଡିର ଦଳୀୟ ପତକା ନଷ୍ଟ ଅଭିଯୋଗ ଥାନାରେ ଏତାଲା

ହିଞ୍ଜିଳିକାଟୁ,(ଶେଷଦେବ ସାହୁ): ମଙ୍ଗଳବାର ଅପରାହ୍ନରେ ହିଞ୍ଜିଳି ବିଜେଡି ପକ୍ଷରୁ ସ୍ଥାନୀୟ ପୈରାଞ୍ଚଳରେ ପଦଯାତ୍ରା ଅନୁଷ୍ଠିତ ହେବାକୁ ସ୍ଥିର କରାଯାଇଥିଲା। ଏଥି ସକାଶେ ଦଳ ପକ୍ଷରୁ ସୋମବାର ରାତିରେ ଦଳୀୟ କର୍ମୀ ମାନେ ପୈାରାଞ୍ଚଳର ବିଭିନ୍ନ ସ୍ଥାନରେ ଏବଂ ୫୯ ନଂ ଜାତୀୟ ରାଜପଥ ମେଡିୟାନରେ ଦଳୀୟ ପତାକା ତୋରଣରେ ସୁସଜ୍ଜିତ କରିଥିଲେ। ବିଳମ୍ବିତ ରାତିରେ କେହି ଦୁବୃର୍ତ୍ତ ସହରରେ ଲାଗିଥିବା ବିଜୁ ପଟ୍ଟନାୟକ ଛକ ଠାରୁ ବ୍ଳକ ଛକ ପର୍ଯ୍ୟନ୍ତ ଲଗାଯାଇଥିବା ଦଳୀୟ ପତକା ଓ ବାନାମାଳକୁ ଚିରି ନଷ୍ଟ କରିବା ସହ ରାସ୍ତାରେ ଫୋପାଡି ଦେଇଥିବା ଦେଖିବାକୁ ମିଳିଛି। ମଙ୍ଗଳବାର ସକାଳେ ବିଜେଡି କର୍ମୀ ଏଭଳି ଘଟଣା ଦେଖି ବିରୋଧି ଗୋଷ୍ଠୀ ଏଭଳି କାଣ୍ଡ ଭିଆଇଥିବା ସନ୍ଦେହ କରିଛନ୍ତି। ଘଟଣା ନେଇ ହିଞ୍ଜିଳିକାଟୁ ନଗର ବିଜେଡି ସଭାପତି ହୃଦୟାନନ୍ଦ ମହାପାତ୍ର ହିଞ୍ଜିଳି ଥାନାରେ ଅଭିଯୋଗ କରିଛନ୍ତି। ପୁଲିସ ସହରର ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରି ଘଟଣାର ତଦନ୍ତ ଚଳାଇଛି। ଘଟଣା ପରେ ଦଳୀୟ କର୍ମୀଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି। ଘଟଣାରେ ସଂପୃକ୍ତ ଦୁବୃର୍ତ୍ତଙ୍କୁ ଗିରଫ କରିବାକୁ ଦଳୀୟ କର୍ମୀ ଦାବି କରିଛନ୍ତି। ଆଗାମୀ ଦିନରେ ଘଟଣାକୁ କେନ୍ଦ୍ର କରି ଅପ୍ରିତୀକର ପରିସ୍ଥିତି ସୃଷ୍ଟି ହେବା ଆଶଙ୍କା ରହିଛି।