୯ମ କୋଣାର୍କ ମିନି ସାଇକ୍ଳୋଥନ ଉଦଘାଟିତ

ନିମାପଡ଼ା,(ସନ୍ତୋଷ ଦାଶ):ଡିସେମ୍ବର ୧ତାରିଖ ଠାରୁ ୫ତାରିଖ ପର୍ଯ୍ୟନ୍ତ ୫ଦିନ ବ୍ୟାପୀ ଆରମ୍ଭ ହେବାକୁ ଥିବା କୋଣାର୍କ ଉତ୍ସବକୁ ସଫଳ କରିବା ପାଇଁ ଆଜି ପର୍ଯ୍ୟଟନ ବିଭାଗ ଓ କୋଣାର୍କ ପ୍ରେସ କ୍ଲବ ପକ୍ଷରୁ ସ୍ବଚ୍ଛ କୋଣାର୍କ , ସବୁଜ କୋଣାର୍କ ଓ ସୁସ୍ଥ କୋଣାର୍କର ବାର୍ତା ନେଇ କୋଣାର୍କ ସୂର୍ଯ୍ୟ ମନ୍ଦିର ସମ୍ମୁଖରୁ ମା ରାମଚଣ୍ଡୀ ପୀଠ ପର୍ଯ୍ୟନ୍ତ କୋଣାର୍କ ମିନି ସାଇକ୍ଳୋଥନ ଅନୁଷ୍ଠିତ ହୋଇଯାଇଛି । ଏହି ସାଇକ୍ଳୋଥାନରେ ସ୍ଥାନୀୟ ଅଞ୍ଚଳର ବିଭିନ୍ନ କଲେଜର ଛାତ୍ର ଛାତ୍ରୀ ଓ ବିଭିନ୍ନ ଅନୁଷ୍ଠାନର ଶତାଧିକ ଯୁବକ ଯୁବତୀ ଓ ବୁଦ୍ଧିଜୀବୀ ଯୋଗ ଦେଇ ସାଇକେଲ ସଚେତନତା ରାଲିରେ କୋଣାର୍କ ମେଡିକାଲ ଛକ,ବସ ଷ୍ଟାଣ୍ଡ ଓ ଚନ୍ଦ୍ରଭାଗା ପରିକ୍ରମା କରି ମା ରାମଚଣ୍ଡୀ ପୀଠ ଯାତ୍ରା କରିଥିଲେ ।ରାମଚଣ୍ଡୀ ଠାରେ ଏହି କାର୍ଯ୍ୟକ୍ରମ ଉଦଯାପିତ ହୋଇଥିଲା। ଅତିଥି ଭାବେ କୋଣାର୍କ ବିଜ୍ଞାପିତ ପରିଷଦ ଅଧ୍ୟକ୍ଷା ସୁଶ୍ରୀ ସଂଯୁକ୍ତା ତ୍ରିପାଠୀ, ପୁରୀ ଜିଲ୍ଲା ପେଶାଦାର ସାମ୍ବାଦିକ ସଙ୍ଘ ସଭାପତି ତିବିକ୍ରମ ରାମକୃଷ୍ଣ ମହାପାତ୍ର ଯୋଗ ଦେଇ ପତାକା ଦେଖାଇ ଏହି କାର୍ଯ୍ୟକ୍ରମ କୁ ଉଦଘାଟନ କରିଥିଲେ।ଙ୍କ ସହ ବହୁ ମାନ୍ୟଗଣ୍ୟ ଅତିଥି ସମେତ ସ୍ଥାନୀୟ ନେତୃବୃନ ଉପସ୍ଥିତ ରହି ସମ୍ମାନିତ କରାଯିବା ପରେ ପତାକା ଦେଖାଇ ଶୁଭ ଆରମ୍ଭ କରିଥିଲେ ।
କୋଣାର୍କ ପ୍ରେସ କ୍ଲବ ସଭାପତି ଧନଞ୍ଜୟ ବେହେରା ଉକ୍ତ କାର୍ଯ୍ୟକ୍ରମ କୁ ପରିଚାଳନା କରିଥିବାବେଳେ ପ୍ରେସ କ୍ଲବ ର ସମସ୍ତ ସଭ୍ୟ ସହଯୋଗ ଯୋଗାଇ ଦେଇଥିଲେ।