ଅକରୁଆ ପଞ୍ଚାୟତ ବିଜୁ ଯୁବବାହିନୀ ପକ୍ଷରୁ ରକ୍ଷକ କାର୍ଯ୍ୟକ୍ରମ
ହାଟଡ଼ିହି,(ଯୁଗାବ୍ଦ ନ୍ୟୁଜ୍) : ଅକରୁଆ ପଞ୍ଚାୟତ ବିଜୁ ଯୁବବାହିନୀ ପକ୍ଷରୁ ଏକ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ‘ରକ୍ଷକ’ ଅନୁଷ୍ଠିତ ହୋଇଯାଇଛି । ତରତରା ଛକ ଠାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସରପଞ୍ଚ କୌଶଲ୍ୟା ସେଠୀ, ଯୁବବାହିନୀର ସଭାପତି ସତ୍ୟବ୍ରତ ଖଣ୍ଡା, ସମ୍ପାଦକ ସୁବ୍ରତ କୁମାର ପାତ୍ର, ଅକ୍ଷୟ କୁମାର ମହାନ୍ତି, ସୁନିଲ କୁମାର ନାୟକ, ସତ୍ୟବ୍ରତ ଜେନା, ଗରେଷ ପାତ୍ର, ଅନୁସୁୟା ଜେନା, କୁଲୁ ଜେନା, ପ୍ରତିମା ଜେନା, ସଜନରଶ୍ମୀ ଖଟୁଆ, ରଞ୍ଜନ ଖଟୁଆ, ପ୍ରମୋଦ ଜେନା, ଚକ୍ରଧର ମହାନ୍ତି, ବଳଭଦ୍ର ନାୟକ, ଜୁଏଲ ନାୟକ, ସିପୁ ମହାନ୍ତି, ଚନ୍ଦନ ପାତ୍ର ପ୍ରମୁଖ ଯୋଗଦେଇ ରାସ୍ତାରେ ଯାଉଥିବା ଗାଡି ଚାଳକ ମାନଙ୍କୁ ସଡକ ସୁରକ୍ଷା ଜୀବନ ରକ୍ଷା ସମ୍ପର୍କରେ ସଚେତନତାର ବାର୍ତ୍ତା ଦେଇଥିଲେ । ହେଲମେଟ ପିନ୍ଦି ଗାଡି ଚଳାଇବା, ଗାଡି ଚଳାଇବା ସମୟରେ ମୋବାଇଲରେ କଥା ନହେବା, ସିଟବେଲ୍ଟ ବ୍ୟବହାର କରିବା ଆଦି ସମ୍ପର୍କରେ ଗାଡି ଚଳାକଙ୍କୁ ବୁଝାଇଥିଲେ । ଯେଉଁ ଗାଡି ଚାଳକମାନେ ହେଲମେଟ ପିନ୍ଧି ଗାଡି ଚଳାଉଥିଲେ ସେମାନଙ୍କୁ ମିଷ୍ଠାନ୍ନ ଓ ଗୋଲାପଫୁଲ ଦିଆଯାଇ ସମ୍ବର୍ଦ୍ଧିତ କରାଯାଉଥିବା ବେଳେ ଯେଉଁମାନେ ହେଲମେଟ ପିନ୍ଧି ନଥିଲେ ସେମାନଙ୍କୁ ହାତଯୋଡି ସଚେତନ ହେବାପାଇଁ ନିବେଦନ କରିଥିଲେ ।
