ଅଗଷ୍ଟରୁ କେବିସିର ୧୧ତମ ସିଜିନ୍

ନୂଆଦିଲ୍ଲୀ(ଏଜେନ୍ସି): ଭାରତୀୟ ଟିଭି ଜଗତର ସବୁଠାରୁ ଲୋକପ୍ରିୟ ଶୋ’ କୌନ୍ ବନେଗା କୋରୋଡ଼ପତି (କେବିସି)ର ୧୧ତମ ସିଜିନ୍ ଅଗଷ୍ଟ ମାସରୁ ଆରମ୍ଭ ହେବ । ଏସମ୍ପର୍କରେ ଶୋ’ କର୍ତ୍ତୃପକ୍ଷ ସୂଚନା ଦେଇଛନ୍ତି । ସେମାନଙ୍କ କହିବାନୁସାରେ ପୂର୍ବ ସିଜିନ୍ ଭଳି ବଲିଉଡ୍ର ବିଗ ବି’ ତଥା ଭେଟେରାନ୍ ଅଭିନେତା ଅମିତାଭ ବଚ୍ଚନ ଚଳିତ ସିଜିନ୍ରେ ମଧ୍ୟ ହୋଷ୍ଟ କରିବେ । ପ୍ରତିଥର ଭଳି ଏଥର ମଧ୍ୟ ଏହି ଶୋ’ ପ୍ରତିଦିନ ରାତି ୯ଟାରେ ପ୍ରସାରଣ ହେବ ଏବଂ ପଞ୍ଜିକରଣ ପ୍ରକ୍ରିୟା ଆସନ୍ତା ମେ’ ୧ ତାରିଖ ରାତି ୯ଟାରୁ ଆରମ୍ଭ ହେବ । ଏଥିପାଇଁ ପ୍ରମୋସନ ପ୍ରକ୍ରିୟା ଆରମ୍ଭ ହୋଇଯାଇଛି । ସେହିଭଳି ବର୍ତ୍ତମାନ ସୋନି ଟିଭିରେ ସମାନ ସମୟରେ ପ୍ରସାରିତ ହେଉଥିବା ଲେଡିଜ୍ ସ୍ପେଶାଲ୍ ଶୋ’କୁ ଚ୍ୟାନେଲ କର୍ତ୍ତୃପକ୍ଷ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । ଏହି ଶୋ’ର ଟିଆରପିକୁ ନେଇ ଚ୍ୟାନେଲ କର୍ତ୍ତୃପକ୍ଷ ସନ୍ତୁଷ୍ଟ ନଥିବାରୁ ଏହାକୁ ବନ୍ଦ କରାଯିବା ପାଇଁ ଚିନ୍ତା କରାଯାଇଛି ବୋଲି ଜଣାପଡିଛି ।
……………………………………………………………….