ଅଗସ୍ତିନୁଆଗାଁ ଗ୍ରାମରେ ସଙ୍କଟ ମୋଚନ ହନୁମାନଙ୍କ ମନ୍ଦିର ନିର୍ମାଣ ଉପଲକ୍ଷେ ଭୂମି ପୂଜନ

ଛତ୍ରପୁର, (ଯୁଗାବ୍ଦ ନ୍ୟୁଜ):ଛତ୍ରପୁର ବ୍ଲକ୍ ଅନ୍ତର୍ଗତ ଅଗସ୍ତିନୂଆଗାଁ ଗ୍ରାମର ଚାରିଛକ ଠାରେ ସଙ୍କଟମୋଚନ ହନୁମାନଙ୍କ ମନ୍ଦୀର ନିର୍ମାଣ ଉପଲକ୍ଷେ ଭୂମି ପୂଜନ ଓ ମନ୍ଦିର ନିର୍ମାଣର ଶୁଭାରମ୍ଭ କରାଯାଇଛି l ଏହି ମନ୍ଦିର ନିର୍ମାଣ ସକାଶେ ଅଗସ୍ତିନୁଆଗାଁ ଗ୍ରାମବାସୀଙ୍କ ବହୁଦିନର ସ୍ବପ୍ନ ଥିଲା,ଏଣୁ ଗ୍ରାମବାସୀଙ୍କ ସର୍ବସମ୍ମତି କ୍ରମେ ପଣ୍ଡିତ ଅଶୋକ ଶତପଥୀଙ୍କ ତତ୍ତ୍ଵାବଧାନରେ ପଣ୍ଡିତ ସୁମନ ପୂଜା ପଣ୍ଡା ସାମନ୍ତଙ୍କ ସହଯୋଗ ଓ ମନ୍ଦୀର ଶିଳ୍ପୀ ସନ୍ତୋଷ କୁମାର ମହାରଣା ଙ୍କ ଉପସ୍ଥିତିରେ ଭୂମି ପୂଜନ କରି ମନ୍ଦିର ଶୁଭାରମ୍ଭ କରାଯାଇଛି l ଉକ୍ତ ପୂଜନ କାର୍ଯ୍ୟକ୍ରମରେ ଗ୍ରାମର ସର୍ବ ବରିଷ୍ଠ ବୟୋଜ୍ୟେଷ୍ଠ ବ୍ୟକ୍ତି ମୁରଲୀ ପଲାଇ କର୍ତ୍ତା ଭାବେ କାର୍ଯ୍ୟ ସମ୍ପାଦନ କରୁଥିଲା ବେଳେ ପଣ୍ଡିତଙ୍କ ଦ୍ବାରା ପୂଜା, ଯଜ୍ଞ, ମନ୍ତ୍ରପାଠ ଧ୍ବନିରେ ପ୍ରକମ୍ପିତ ହୋଇଥିଲା ଭକ୍ତିପୂର୍ଣ୍ଣ ଗ୍ରାମ୍ୟ ପରିବେଶ l ଆଜି ଠାରୁ ମନ୍ଦୀର କାର୍ଯ୍ୟ ଆରମ୍ଭ ହୋଇ ନିର୍ଧାରଣ ସମୟ ମଧ୍ୟରେ ମନ୍ଦିର ନିର୍ମାଣ ହେବ ବୋଲି ସୂଚନା ଦେଉଛନ୍ତି ଗ୍ରାମବାସୀ l ଏହି ଭୂମି ପୂଜନ ଓ ମନ୍ଦିର ନିର୍ମାଣ ଶୁଭାରମ୍ଭ ଉତ୍ସବରେ ଅଗସ୍ତିନୂଆଗାଁ ଗ୍ରାମର ବୟୋଜ୍ୟେଷ୍ଠ , ଯୁବକ, ମହିଳା ଓ ସଙ୍କୀର୍ତ୍ତନମଣ୍ଡଳୀ ଉପସ୍ଥିତ ରହି ଉତ୍ସାହର ସହ କାର୍ଯ୍ୟ ସମ୍ପାଦନ କରିଥିଲେ l