ଅଜଣା ଗାଡି ଧକାରେ ଶ୍ରମିକ ଗୁରୁତ୍ବର

ପାରାଦୀପ,(ପିତବାସ ପ୍ରଧାନ): ଆଜି ସକାଳୁ ପାରାଦୀପ ହନୁମାନ ମନ୍ଦିର ପୂର୍ବରୁ ଏକ ସଡକ ଦୁର୍ଘଟଣା ଘଟିଯାଉଛି। ଦୁର୍ଘଟଣା ଘଟାଇ ଅଜଣା ଗାଡିଟି କୁଆଡେ ଚାଲି ଯାଇଥିବା ବେଳେ ଦୁର୍ଘଟଣାର ଶିକାର ହୋଇଥିବା ଗାଡି ଚାଳକଙ୍କ ଅବସ୍ଥା ସଙ୍କଟାପନ୍ନ ରହିଛି। ଅଜଣା ଗାଡିଟି ମଟରସାଇକେଲକୁ ଏତେ ଯୋରରେ ଧକ୍କା ଦେଇଥିଲା ଯେ ମଟରସାଇକେଲଟି ରାସ୍ତା କଡରେ ଠିଆ ହାଇଥିବା ଡମ୍ଫର ତଳକୁ ଚାଲି ଯାଇଥିଲା।ଘଟଣା ଦେଖିଲେ ଯେ କେହି କହିବ ଡମ୍ଫର ସହିତ ମଟରସାଇକେଲର ହିଁ ଦୁର୍ଘଟଣା ଘଟିଛି। ଦୁର୍ଘଟଣାର ଶିକାର ହୋଇଥିବା ଚାଳକ ଜଣକ ପାରାଦୀପ ବନ୍ଦର କିମ୍ବା ପାରାଦୀପ ପି ଆଇ ସି ଟି ର ଜଣେ ଠିକାଦାର ଶ୍ରମିକ ବୋଲି ଅନୁମାନ କରାଯାଉଛି। ସ୍ଥାନୀୟ ଦେଖଣାହାରୀ ପୋଲିସକୁ ଖବର ଦେବାପରେ ଘଟଣାସ୍ଥଳରେ ପୋଲିସ୍ ପହଞ୍ଚି ଦୁର୍ଘଟଣାର ଶିକାର ହୋଇଥିବା ଯୁବକକୁ ଡାକ୍ତରଖାନାକୁ ନେଇଥିବା ବେଳେ ସି ସି କ୍ୟାମେରା ଫୁଟେଜକୁ ଆଧାର କରି ତଦନ୍ତ କରାଯିବ ବୋଲି କୁହାଯାଇଛି। ଦୁର୍ଘଟଣାର ଶିକାର ହୋଇଥିବା ଯୁବକଙ୍କ ପରିଚୟ ମିଳିପାରି ନାହିଁ।