ଅଜଣା ଗାଡି ଧକ୍କାରେ ହରିଣର ଜୀବନ ଗଲା
କୋଦଳା, (ଗୁଲସନ କୁମାର କର):ରାସ୍ତା ପାର ହେଉଥିବା ବେଳେ ଗାଡ଼ି ଧକ୍କାରେ ପ୍ରାଣ ହରାଇଲା ଗର୍ଭବତୀ ହରିଣ।ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ମଠସରସିଂ ନିକଟସ୍ଥ ସିଦ୍ଧେଶ୍ଵର ମନ୍ଦିର ରାସ୍ତାରେ ଏଭଳି ଦୁର୍ଘଟଣା ଘଟିଥିବା ସୂଚନା ମିଳିଛି। ସୂଚନା ଅନୁଯାୟୀ ଶୁକ୍ରବାର ସକାଳେ ଏହି ଦୁର୍ଘଟଣା ଘଟିଥିବା ବେଳେ ଘଟଣା ସ୍ଥଳରେ ଗଣମାଧ୍ୟମ ପ୍ରତିନିଧି ମାନେ ପହଞ୍ଚି ବନ ବିଭାଗର ଦୃଷ୍ଟି ଆକର୍ଷଣ କରିଥିଲେ। ଏହାପରେ ବନ ବିଭାଗର କର୍ମଚାରୀ ମାନେ ମୃତ ହରିଣକୁ ନେଇ ଯାଇଥିଲେ। ହରିଣ ଟିକୁ କୌଣସି ଯାନ ଧକ୍କା ଦେଇ ଚାଲି ଯାଇଥିବା ବେଳେ ହରିଣଟିର ପ୍ରବଳ ରକ୍ତସ୍ରାବ ହେଉଥିଲା। ତେବେ ଉକ୍ତ ରାସ୍ତାରେ ହରିଣ ଚଳପ୍ରଚଳ ତଥା ରାସ୍ତା ପାର ହେଉଥିବା ଯୋଗୁଁ ସଚେତନତା ପାଇଁ ବନ ବିଭାଗ ପକ୍ଷରୁ ପଦକ୍ଷେପ ନେବାକୁ ଦାବି ହୋଇଛି ।
