ଅଜବ ମହୋତ୍ସବ : ଲୋକେ ପିନ୍ଧନ୍ତି ଭୂତପ୍ରେତ ପୋଷାକ

ବିଶ୍ୱରେ ଅନେକ ଉତ୍ସବ ବା ମହୋତ୍ସବ ପାଳନ କରାଯାଇଥାଏ । ବିଭିନ୍ନ ଧର୍ମରେ ଉତ୍ସବ ଭିନ୍ନ ଭିନ୍ନ ଢଙ୍ଗରେ ପାଳନ କରାଯାଇଥାଏ । ସାଧାରଣତଃ ଉତ୍ସବରେ ଲୋକେ ନୂଆ ବସ୍ତ୍ର, ଅଳଙ୍କାର ପିନ୍ଧି ସୁସ୍ୱାଦୁ ବ୍ୟଞ୍ଜନର ଆୟୋଜନ କରିଥାନ୍ତି । ଅଧିକାଂଶ ସ୍ଥାନର ନାଚଗୀତର ଆସର ବି ଜମେ । କିନ୍ତୁ କେବେ ଶୁଣିଛନ୍ତି ବା ଦେଖିଛନ୍ତି କି ଏମିତି ଉତ୍ସବ, ଯେଉଁଥିରେ ଲୋକେ ଭୂତ ପ୍ରେତ ପରି ପୋଷାକ ପିନ୍ଧିଥାନ୍ତି । ଅବିଶ୍ୱାସ ଲାଗୁଥିଲେ ମଧ୍ୟ ସତ । ଏକ ରିପୋର୍ଟ ଅନୁଯାୟୀ, ଏପରି ଉତ୍ସବ ମେକ୍ସିକୋରେ ପ୍ରତିବର୍ଷ ଆୟୋଜନ କରାଯାଇଥାଏ । “ଡେ ଅଫ୍ ଦ ଡେଡ୍‌’ ନାମକ ଏହି ଉତ୍ସବ ଦୁଇଦିନ ଧରି ଚାଲିଥାଏ । ପ୍ରାୟ ୨ ହଜାର ବର୍ଷ ତଳୁ ଏହି ଉତ୍ସବ ପାଳନ କରାଯାଇଆସୁଛି । ଏଠାକାର ଲୋକେ ବିଶ୍ୱାସ କରନ୍ତି, ତାଙ୍କର ପୂର୍ବପୁରୁଷମାନେ ପରିବାର ଲୋକଙ୍କ ସହ ଗୋଟିଏ ଦିନ ରହିବାକୁ ଏହିଦିନ ମର୍ତ୍ତ୍ୟକୁ ଆସିଥାନ୍ତି । ତାଙ୍କର ଆତ୍ମା ଶାନ୍ତି ପାଇଁ ଏହି ଉତ୍ସବ ପାଳନ କରାଯାଇଥାଏ । ଆଉ ଏକ ଖାସ୍ କଥା ହେଲା ଏହି ଉତ୍ସବରେ ପରେଡ୍ ହୋଇଥାଏ । ପ୍ୟାରେଡ୍‌ରେ ପୋଲିସ ପ୍ରଶାସନ ଭାଗ ନେଇ ନ ଥାନ୍ତି । ଏଥିରେ କଙ୍କାଳ ପରି ବେଶଭୂଷାରେ ସଜ୍ଜିତ ହୋଇଥା’ନ୍ତି ଲୋକେ । ଏହି ପରେଡ୍‌କୁ କ୍ୟାଟ୍ରିନା କୁହାଯାଏ । ମେକ୍ସିକୋ ସହରର ଟାଲାହୁଆକ୍ ରାସ୍ତାରେ ଏହି ଉତ୍ସବର ଆୟୋଜନ କରାଯାଇଥାଏ । ଯେଉଁଥିରେ ଭୂତପ୍ରେତଙ୍କ କଙ୍କାଳ ପରି ପୋଷାକ ପିନ୍ଧି ଉତ୍ସବ ମନାଇଥାନ୍ତି ସହରବାସୀ ।