ଅଣ-ଗେଜେଟେଡ ବନସେବା ସଂଘ ବୈଠକ ଅନୁଷ୍ଟିତ
କୋଣାର୍କ,(ୱାଏନଏସ): ଓଡ଼ିଶା ଅଣ ଗେଜେଟେଡ ବନସେବା ସଙ୍ଘ ପୁରୀ ବନ୍ୟପ୍ରାଣୀ ବନଖଣ୍ଡ (ଶ୍ରୀକ୍ଷେତ୍ର ଜୋନ ) ଶାଖାର ସାଧାରଣ ପରିଷଦ ବୈଠକ ତଥା କର୍ମକର୍ତ୍ତା ନିର୍ବାଚନ ମା ରାମଚଣ୍ଡୀଙ୍କ ପୀଠ ସ୍ଥଳରେ ଅନୁଷ୍ଟିତ ହୋଇଯାଇଅଛି। ଅନୁଷ୍ଟିତ ଏହି ବୈଠକରେ ନୂତନ ସଭାପତି ଭାବେ ପ୍ରଦୀପ୍ତ କୁମାର ପାଣିଗ୍ରାହୀ, ଉପସଭାପତି ସୁଶ୍ରୀ ସୋନାଲି ପ୍ରଧାନ, ସଂପାଦକ ମାନସ ରଞ୍ଜନ ବେହେରା,ଯୁଗ୍ମ ସଂପାଦକ ସଞ୍ଜୟ କୁମାର ମଲ୍ଲିକ, ସହ ସଂପାଦକ କୈଳାସ ଚନ୍ଦ୍ର ନାୟକ ଓ କୋଷାଧ୍ୟକ୍ଷ ଭାବେ ଶ୍ରୀମତୀ ସାରିକା ମହାନ୍ତି ନିର୍ବାଚିତ ହୋଇଅଛନ୍ତି।ନିର୍ବାଚିତ କର୍ମକର୍ତ୍ତାଙ୍କୁ ରାଜ୍ୟଶାଖା ସଭାପତି ଶପଥ ପାଠ କରାଇବା ସହ ସଂଘର ଆଗାମୀ କାର୍ଯ୍ୟପନ୍ଥା ବିଷୟରେ ସୂଚନା ପ୍ରଦାନ କରିଥିଲେ।ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ରାଜ୍ୟ ସଂଘର ସଭାପତି ଜଗବନ୍ଧୁ ପାତ୍ର,ସଂଘର ବରିଷ୍ଠ ସଭ୍ୟ ପ୍ରସନ୍ନ ପ୍ରଧାନ, ରାଜ୍ୟ ସଂଘର କୋଷାଧ୍ୟକ୍ଷ କମଳାକାନ୍ତ ଶ୍ରୀଚନ୍ଦନ,ଶ୍ରୀକ୍ଷେତ୍ର ଜୋନର କୋଷାଧ୍ୟକ୍ଷ ବିଶ୍ଵମ୍ୱର ଛୋଟରାୟ ,ପୂର୍ବତନ ବନପାଳ ପ୍ରଫୁଲ୍ଲ କୁମାର ଦାସ, ଭୀମସେନ ଦାସ ପ୍ରମୁଖ ଯୋଗ ଦେଇଥିବା ବେଳେ ପୁରୀ ବନ୍ୟପ୍ରାଣୀ ବନଖଣ୍ଡ ତଥା ଓଡିଶା ଅଣ ଗେଜେଟେଡେ୍ ବନସେବା ସଙ୍ଘର ସମସ୍ତ ସଦସ୍ୟ ମାନେ ଉପସ୍ଥିତ ରହିଥିଲେ।
