ଅତିରିକ୍ତ ତହସିଲଦାରଙ୍କ ବିଭିନ୍ନ ସଙ୍ଗରୋଧ କେନ୍ଦ୍ର ପରିଦର୍ଶନ
ବନ୍ତ (ଚାନ୍ଦିନୀ ମହାନ୍ତି) : ବନ୍ତ ତହସିଲର ଅତିରିକ୍ତ ତହସିଲଦାର ତଥା ଆଗରପଡା ମାଜିଷ୍ଟେଟ ଦାୟୀତ୍ୱରେ ଥିବା ବନିତାରାଣୀ କିସ୍କୁ ଆଗରପଡା ଅଞ୍ଚଳର ବିଭିନ୍ନ ସଙ୍ଗରୋଧ କେନ୍ଦ୍ର ପରିଦର୍ଶନ କରିଛନ୍ତି । ସଙ୍ଗରୋଧ କେନ୍ଦ୍ରରେ ଥିବା ପ୍ରବାସୀ ଓଡିଶା ଫେରନ୍ତାଙ୍କୁ ଭେଟି ସେମାନଙ୍କ ଖାଦ୍ୟ, ପାନୀୟ, ସ୍ୱାସ୍ଥ୍ୟବସ୍ଥା ବିଷୟରେ ପଚାରି ବୁଝିଥିଲେ । ଏଥିସହ ସଙ୍ଗରୋଧ କେନ୍ଦ୍ରରେ ନିୟୋଜିତ କର୍ମଚାରୀ ଓ ଜନପ୍ରତିନିଧି ମାନଙ୍କ ସଠିକ୍ ପରିଚାଳନା ବିଷୟରେ ଆଲୋଚନା କରିଥିଲେ । ସେ ସ୍ୱେଚ୍ଛାସେବୀ ସଂସ୍ଥା ସି.ଏଫ.ଡବ୍ଲ୍ୟୁ.ଏସ୍.ଡିର କର୍ମକର୍ତ୍ତାଙ୍କ ସହିତ ଗୋପିନାଥପୁର ପଞ୍ଚାୟତର ଗୋପିନାଥ ଜୀଉ ଉଚ୍ଚ ବିଦ୍ୟାଳୟ, ଚାରିଗାଁ ପଞ୍ଚାୟତ ଇଟୁଆ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଏବଂ ତେଲନଟି ଉଚ୍ଚ ବିଦ୍ୟାଳୟର ବିଭିନ୍ନ ସଙ୍ଗରୋଧ କେନ୍ଦ୍ର ପରିଦର୍ଶନ କରିଥିଲେ ।
