ଅଧିକାରୀଙ୍କ ବେଲେଟ ପେପର ସଟିଙ୍ଗ

ପାରଳାଖେମୁଣ୍ଡି, (ତାରିଣୀ ପ୍ରସାଦପଣ୍ଡା) :-ଗଜପତି ଜିଲ୍ଲା ପ୍ରକଳ୍ପ ଅଧିକାରୀ ତଥା ମୋହନା ବ୍ଳକ ପାଇଁ ନିଯୁକ୍ତ ନୋଡାଲ ଅଧିକାରୀ ଅନାମ ଚରଣ ପାତ୍ର ମୋହନା ଗ୍ରସ୍ତରେ ଆସି ସରକାରୀ ଉଚ୍ଚ ବିଦ୍ୟାଳୟ (ଏସଏସଡି)ରେ ନିର୍ମିତ ହେଇଥିବା ସ୍ଵତନ୍ତ୍ର ଭୋଟ ଗଣତି କୋଠରୀରେ ବ୍ଲକ କର୍ମଚାରୀଙ୍କ ଉପସ୍ଥିତିରେ ବେଲେଟ ପେପର ସଟିଙ୍ଗ ଉପରେ ବୁଝାଇଥିଲେ । ବେଲେଟ ପେପର ସଟିଙ୍ଗ କରିବା ସହିତ ଗଣତି ଓ ପୁଙ୍ଖାନୁପୁଙ୍ଖ ତଦନ୍ତ କରି ପ୍ରତ୍ୟେକ ବୁଥର ଭୋଟର ସଂଖ୍ୟାଠାରୁ ୧୦ ଶତକଡା ଅଧିକା ବେଲେଟ ପେପରକୁ ବିଡା ବାନ୍ଧି ବ୍ଳକର ୫୩୫ଟି ବୁଥ ପାଇଁ ପ୍ରସ୍ତୁତ କରି ରଖାଯାଇଥିଲା । ଏହି କାର୍ଯ୍ୟକ୍ରମରେ ବିଡିଓ ତପସ୍ଵିନୀ ହାଁସଦା, ସହକାରୀ ଯନ୍ତ୍ରୀ ଜଗବନ୍ଧୁ ଆଚାର୍ଯ୍ୟ,ସେକସନ ଅଧିକାରୀ ବେଣୁଧର ଚଣ୍ଡଙ୍କ ସମେତ ବ୍ଳକର ସମସ୍ତ କର୍ମଚାରୀ ଉପସ୍ଥିତ ଥିଲେ ।